Պուտինը ժամանակ չունի՞ Փաշինյանին ընդունելու համար

Ռուսական «Независимая газета» թերթը հոդված է հրապարակել՝ նվիրված ՀՀ վարչապետ Նիկոլ Փաշինյանի այցին Մոսկվա՝ Եվրասիական տնտեսական միությունում ղեկավարությունը ստանձնելու կապակցությամբ: Նշվում է, որ ՀՀ վարչապետի մոսկովյան այցի օրակարգում ՌԴ նախագահ Վլադիմիր Պուտինի հետ հանդիպման բացակայությունը մտահոգվելու առիթ է տալիս: -Ռուսական կողմը, ըստ թերթի հավաստի աղբյուրի, դեռ բավարար մակարդակով չի վստահում Հայաստանի նոր իշխանություններին: Որոշ հայտարարություններ, մասնավորապես կապված Չինաստանի և Շվեդիայի հետ ռազմաառևտրային հարաբերություններ հաստատելու հետ, իհարկե, աննկատ չեն մնացել Մոսկվայում: Վստահության մակարդակը չէին կարող ավելացնել նաև ՌԴ-ն պատկանող կազմակերպությունների ստուգումը: Ինչպես նաև նախկին չինովնիկների նկատմամբ հարուցված քրեական գործերը, այսպես թե այնպես կապված ռուսական քաղաքական կամ բիզնես շրջանակների հետ: Դրանցից առավել կարևորը՝ կալանքի տակ գտնվող ՀՀ երկրորդ նախագահ Ռոբերտ Քոչարյանը, ով, ըստ խոսակցությունների, Պուտինի հետ ընկերական հարաբերությունների մեջ է գտնվում,-գրում է թերթը: Նշվում է նաև, որ հայաստանյան հասարակությունը միանշանակ չի ընդունում Նիկոլ Փաշինյանի ու Ադրբեջանի նախագահ Իլհամ Ալիևի հետ և ղարաբաղյան հակամարտության հնարավոր «հանգուցալուծումը» մոտ ապագայում: Թերթը գրում է նաև, որ վերջին իրադարձությունների ֆոնին Պուտինի՝ ուրբաթ օրերին ժամանակի «բացակայությունը» կրկնակի կխթանի ՀՀ վարչապետի հասցեին ուղղված քննադատության: Աղբյուրը՝ Zham.am