ԲՈԿ նախագահի 6-ամսյա աշխատանքը գիտական շրջանակները բացասական են գնահատում
«Հրապարակ» թերթը գրում է. «Բարձրագույն որակավորման կոմիտեի նախագահ Սմբատ Գոգյանը երեկ ասուլիսում ներկայացրել է իրենց 6-ամսյա աշխատանքը, որը գիտական շրջանակները բացասական են գնահատում։ Նա այս ընթացքում վերացրել է մասնագիտական մշտական խորհուրդները, ատենախոսություն պաշտպանողներին իրավունք է տվել, որ իրենք կազմեն փորձագետների եւ խորհուրդների ցանկը, վերանայել է ԲՈԿ-ի կողմից «ընդունելի» համարվող պարբերականների ցանկը՝ կամայականորեն հանելով որոշ անուններ, մի մասի համար էլ սահմանելով «ընդունելի վերապահումով» անհեթեթ ձեւակերպումը։ Բայց ամենակարեւորը՝ տարեվերջին պարգեւատրել է ԲՈԿ աշխատակազմին: Ճիշտ է՝ իրեն չի պարգեւատրել, բայց ԱԻՆ-ից ԲՈԿ տեղափոխված եւ գործից գլուխ չհանող իր տեղակալին «180 տոկոսի չափով պարգեւավճար» է տվել, «որովհետեւ նա հիմնարկի միակ աշխատողն էր, որ առավոտյան 8:30-ից գալիս էր աշխատանքի եւ ամբողջ օրը նվիրվում աշխատանքին»։ Տեղակալը 390 հազար դրամ աշխատավարձ է ստանում»։ Մանրամասն` թերթի այսօրվա համարում:
Հետևեք մեզ Viber-ում
