Ի՞նչ պարգևատրումներ են եղել ՊԵԿ-ում. խոսնակը պարզաբանում է

«Պետական եկամուտների կոմիտեում նման պարգևատրումներ գոյություն չունեն»,- Factor.am-ի հարցին ի պատասխան՝ պարզաբանեց ՊԵԿ-ի մամուլի խոսնակ Լուսինե Մկրտչյանը՝ անդրադառնալով Yerevan.Today կայքի հրապարակմանը, թե ՊԵԿ-ում պարգևատրումներն աստղաբաշխական թվերի են հասնում։ «Ուղղակի դեկտեմբեր ամսին վճարվել է նոյեմբեր և դեկտեմբեր ամիսների աշխատավարձերը, լրավճարները և պարգևատրումները: Ինչպես բոլոր նախարարություններում, այդ թվում՝ ՊԵԿ-ում վճարվել է երկու ամսվա աշխատավարձ և պարգևատրում»,- պարզաբանեց ՊԵԿ մամուլի խոսնակը։ Yerevan.Today կայքի հրապարակման համաձայն՝  ՊԵԿ ղեկավարության դեկտեմբերին ստացած աշխատավարձային և պարգևատրումային ֆոնդը հետևյալն է . ՊԵԿ նախագահ Դավիթ Անանյան – 8 մլն 55 000 դրամ ՊԵԿ նախագահի առաջին տեղակալ Ռաֆիկ Մաշադյան – 9 մլն. 60 000 դրամ ՊԵԿ աշխատազմի ղեկավարի տեղակալ Էդգար Գևորգյան – 6 մլն. 456 000 դրամ ՊԵԿ խոշոր հարկատուների վարչության պետ Արթուր Հարությունյան – 2 մլն. 930 000 դրամ ՊԵԿ նախագահի տեղակալ Շուշանիկ Ներսիսյան – 6 մլն 6000 դրամ ՊԵԿ նախագահի օգնական- Էլիզաբեթ Մամիկոնյան – 2 մլն 120 000 դրամ ՊԵԿ նախագահի խորհրդական, ՀՀ ֆինանսների նախկին նախարար Վարդան Արամյանի գործավարուհի Սաթինե Գզողյան – 2 մլն. 763 000 դրամ ՊԵԿ լրատվության պատասխանատու, խոսնակ Լուսինե Մկրտչյան- 2 մլն 30.000 դրամ ՊԵԿ տեղեկատվական տեխնոլոգիաների վարչության պետի խորհրդական Սերգեյ Թաիրյան -1 մլն 574 000 դրամ։