Փաշինյանն ընկալվում է որպես լուրջ երկխոսության անպատրաստ գործընկեր. Զուլֆուգարով
Ադրբեջանի նախկին արտգործնախարար Թոֆիկ Զուլֆուգարովը մեկնաբանել է Հայաստանի Հանրապետության վարչապետ Նիկոլ Փաշինյանի և Ադրբեջանի նախագահ Իլհամ Ալիևի՝ Դավոսում կայացած հանդիպումը: «Առկա տեղեկատվությունն իսկապես շատ քիչ է, այդ իսկ պատճառով բավականին բարդ է որևէ եզրակացություն անելը: Ընդհանուր առմամբ՝ կարելի ասել, որ ադրբեջանական կողմն օգտագործում է հանդիպման հնարավորությունն իր դիրքորոշումը Փաշինյանին հասցնելու համար: Կարծում եմ, որ ադրբեջանական կողմը Փաշինյանին ընկալում է որպես գործընկեր, որը դեռ պատրաստ չէ լուրջ երկխոսության: Ենթադրում եմ, որ հանդիպման ընթացքում հնչեցվել է Ադրբեջանի հստակ դիրքորոշումը, հակամարտության կարգավորման մասին մեր պատկերացումները, և սահմանվել է հստակ «կարմիր գիծը», որը մենք երբեք չենք անցնի: Հնարավոր է, որ հայկական կողմին է հասցվել նաև հարցը ոչ միայն բանակցային ճանապարհով լուծելու Ադրբեջանի պատրաստակամությունը», - ասել է Զուլֆուգարովը՝ ընդգծելով, որ Ադրբեջանն այս փուլում փորձում է հասկանալ, թե ինչ կարելի է ակնկալել Հայաստանի վարչապետից:
Հետևեք մեզ Viber-ում
