Առողջապահության նախարարը` Մայրապետյանի` արտերկրում բուժվելու մասին
Սամվել Մայրապետյանի գործով առողջապահության նախարարությունը համագործակցում է ՄԻԵԴ-ում Հայաստանի ներկայացուցչի, դատախազության և Հատուկ քննչական ծառայության հետ որն այդ գործը քննում է և իր մասնագիտական եզրակացությունը տրվել է այս մարմիններին: Այս մասին, այսօր՝ հունվարի 23-ին, ասուլիսի ժամանակ հայտարարեց առողջապահության նախարար Արսեն Թորոսյանը: «Ես վստահ չեմ, որ հիմա կարող եմ բժշկական գաղտնիք բացահայտել, բայց այն դիրքորոշումը, որը հայտնում են քննչական մարմինները, ներառում է մեր դիրքորոշումը, հետևաբար` նրանց ասածը կարդալիս դուք կարող եք հաշվի առնել, որ մենք մեր կարծիքը տվել ենք նրանց: Ավելին չեմ կարող ասել, որովհետև բժշկական գաղտնիք է պարունակում»,- ասաց նա: Հարցին՝ Սամվել Մայրապետյանը կարո՞ղ է Հայաստանում տրանսլումինալ դրենավորման ենթարկվել, քանի որ մասնագետները կարծիք են հայտնել, Թորոսյանն ասաց. «Իսկ դուք գիտե՞ք տրանսլումինալ դրենավորումն: Ես արդեն ասացի, որ մենք մեր դիրքորոշումը հայտնել ենք նրանց, ում անհրաժեշտ է և նրանց կողմից պատասխանները, հարցի լուծումները ներառում են նաև մեր դիրքորոշումը, որը հիմնված է մասնագետների կարծիքի վրա»:
Հետևեք մեզ Viber-ում
