Արցախի հերոսի կալանավորումը շատ դուր կգա հարևան երկրին. Մանվել Գրիգորյանի պաշտպան

Երևան-Կենտրոն քրեակատարողական հիմնարկի մոտ լրագրողների հետ զրույցում փաստաբան Արսեն Մկրտչյանը, անդրադառնալով Մանվել Գրիգորյանի կալանավորմանը, ասաց, որ գեներալի պաշտպանների համար կանխատեսելի էր և սպասելի էր Գրիգորյանին կրկին կալանավորելու դատարանի որոշումը։«Որոշումը կանխատեսելի էր՝ պայմանավորված նախագահող դատավարի անձով, հաշվի առնելով այն, որ երկու անգամ դատավորին բացարկ հայտնեցինք, սակայն նա մերժեց մեր միջնորդությունները: Դատարանի այս որոշումը կուրախացնի հարևան Ադրբեջանին: Հարևան երկրում շատ կուրախանան այս որոշումից, Արցախի հերոսի կալանավորումը, որպես փաստ շատ դուր կգա նրանց, դա նրանց լոբբինգի համար լավ նվեր էր»,– ասաց նա։