«Նաիրի» բժշկական կենտրոնում մեկ հիվանդի մոտ H1N1 է հայտնաբերվել

Tert.am-ի տեղեկություններով՝ ՀՀ-ում մի ամբողջ ընտանիք «խոզի գրիպով» է վարակված՝ հայրը, մայրը և երեք երեխաները։ Ըստ մեզ տեղեկության՝ հայրն ու մայրը գտնվում են Նաիրի բժշկական կենտրոնում, իսկ երեխաները` «Արաբկիր» բժշկական կենտրոնում։ Tert.am-ը կապ հաստատեց «Նաիրի» բժշկական կենտրոնի տնօրեն Անատոլի Գնունու հետ, որը խնդրին անդրադառնալով պարզաբանեց. « Մի հոգի կա, որի անալիզները նոր են հաստատվել, սակայն նա ռեանիմացիոն հիվանդ չէ, բավարար վիճակում է։ Նա հոսպիտալիզացված է, պալատում է։ Պարզապես սուր շնչառական վարակ է, որն ուսումնասիրել են ու անալիզներով հայտնաբերել, որ H1N1-ն առկա է, սակայն նրա վիճակը բարվոք է, շնչառական անբավարարություն կամ ծանր թոքաբորբ չունի»։ «Նաիրի» բժշկական կենտրոնում բուժում ստացողը տղամարդ է։ Մենք կապ հաստատեցինք նաև «Արաբկիր» բժշկական կենտրոնի հետ, սակայն այնտեղից մեզ որևէ տեղեկություն չտրամադրեցին։ Հիշեցնենք, որ Հայաստանում վերջին ամինսերին ՀՀ-ում տարածված է գրիպի Ա տեսակի H1N1 ենթատեսակը: Գրիպի այս տեսակից ՀՀ-ում մահացել է 3 մարդ, սակայն Աղողջապահության նախարարությունը վստահեցնում է, որ հիվանդությունը նահանջում է։