«Ադրբեջանին Ղարաբաղն այնքան էլ պետք չէ». Լապշին
« Մարդու իրավունքների եվրոպական դատարանը վարույթ է ընդունել իմ դեմ մահափորձի վերաբերյալ հաղորդումը: Ստրասբուրգում արդեն սկսվել են ադրբեջանական կողմի հետ հաղորդակցությունները: ՄԻԵԴ-ն իմ հաղորդումն արդեն վարույթ ընդունել է, դա շատ կարևոր է, որովհետև Ադրբեջանը ձեռնարկել է տարբեր քաղաքական ու կոռուպցիոն քայլեր, որպեսզի դա թույլ չտա, որովհետև մեծ հարված կլինի, երբ դատարանը մահափորձի վերաբերյալ որոշում կայացնի: Ամեն դեպքում, դատարանն այդ ամենը վարույթ ընդունել է, և, կարծում եմ, ոչ վերջին հերթին, որովհետև իրենք ամբողջովին վարկաբեկել են իրենց տարբեր կոռուպցիոն սկանդալներով, եվրոպացի պատգամավորներին կաշառելով, և այս ամենի ֆոնին իմ պատմությունը շատ հաջող համընկավ: Այսինքն՝ Ադրբեջանն այժմ թուլացած է: Նրանց ուղարկվել են բոլոր փաստաթղթերը, տրված է 3 ամիս բողոքարկելու համար, և մենք այժմ այդ փուլում ենք:Նմանատիպ գործընթաց է սկսվելու նաև ԱՄՆ-ում »,- այսօր լրագրողների հետ հանդիպմանն ասել է բլոգեր, Ռուսաստանի և Իսրայելի քաղաքացի Ալեքսանդր Լապշինը: Լապշինը նաև տեղեկացրել է,որ ՀՀ ՊՆ-ին խնդրել է թույլ տալ իրեն այցելել սահմանային գոտի: «ՀՀ ՊՆ-ին խնդրել եմ թույլ տալ ինձ այցելել սահմանային գոտի, որպեսզի իմ բլոգում կարողանամ պատմել մարդկանց կյանքի մասին, ովքեր ապրում են Ադրբեջանի կրակոցների տակ գտնվող գյուղերում, մասնավորապես, Նոյեմբերյանի շրջանում: Հույս ունեմ՝ թույլ կտան: Դեռևս չեմ եղել Սյունիքում՝ Մեղրիում, բացառապես տուրիստական ծրագրեր ունեմ»,- ասել է Լապշինը: Հայաստանը գրավում է իր բնությամբ, ճարտարապետությամբ, հետաքրքիր ժողովրդով, և այդ մասին կարելի է անվերջ խոսել,հավելել է նա:
Հետևեք մեզ Viber-ում
