Թիրախում կրկին Varks.am–ն է. Քանաքեռ-Զեյթունի մասնաճյուղից հափշտակել են 600 հազար դրամ

Հերթական ավազակային հարձակումն է տեղի ունեցել Երևանի Քանաքեռ-Զեյթուն վարչական շրջանում գործող Varks.am կազմակերպության գրասենյակում: Այս մասին հայտնում է Shamshyan.com–ը։ Ժամը 19:20-ի սահմաններում անհայտ անձը մտել է Քանաքեռ-Զեյթուն վարչական շրջանում գործող Varks.am կազմակերպության գրասենյակ և դանակի սպառնալիքի տակ հափշտակել խոշոր չափի գումար: Փաստի առթիվ քննչական բաժնում ավազակային հարձակում կատարելու հատկանիշներով հարուցվել է քրեական գործ: Գ. Շամշյանի տեղեկություններով՝ հանցագործի դեմքը բաց է եղել և նա Varks.am-ից հափշտակել է մոտ 600 հազար դրամ: Ինչպես ավելի վաղ հայտնել էինք Արաբկիր վարչական շրջանում՝ Կոմիտաս 12 հասցեում գործող Varks.am կազմակերպության գրասենյակում էլ ավազակային հարձայում տեղի ունեցել և այնտեղից հափշտակել խոշոր չափի գումար։ Հանցագործը եղել էր գլխարկով և երեսը բժշկական դիմակով փակած։ Փաստի առթիվ քննչական բաժնում նյութեր էին նախապարտաստվում։ Գ. Շամշյանի տեղեկություններով՝ Varks.am-ից հանցագործը հափշտակել է 1 մլն դրամ։ Փաստի առթիվ նույն բաժնի քննիչ Վրեժ Գասպարյանի կողմից ավազակային հարձակում կատարելու հատկանիշներով հարուցվել է քրեական գործ։