«Զվարթնոցի» կլոր շենքը պահելն է մեր գերնպատակն է.ճարտարապետ
Հետազոտությունը ցույց է տվել, որ ի սկզբանե «Զվարթնոց» օդանավակայանի նոր մասնավոր շենքի կառուցումը եղել է սխալ որոշում,-այսօրվա քննարկմանը նման տեսակետ հայտնեց ճարտարապետ Անահիտ Թարխանյանը: «Դա եղել է ոչ շահավետ, ինչի պատճառով 160 միլիոն դոլարի ներդրում է կատարվել: Այդ ներդրումից հետո Հայաստանից դուրս թռչելու տոմսերը շատ ավելի թանկ են: Ճիշտ է, շատ հարմարավետ օդանավակայան է, բայց մենք դրա համար վճարում ենք ավելի բարձր գին, քան վճարում են մեր կողքի հանրապետությունները:Երկար տարիներ ճարտարապետներին համոզել են, որ հնարավոր չէ օգտագործել «Զվարթնոց» օդանավակայանի կլոր շենքը և դարձնել այն արդիական: Մենք նախագիծ ունենք, որով ցույց ենք տալիս, թե ինչքան պարզ կարող ենք իրականացնել «Զվարթնոց»-ի արդիականացումն իր պահեստային տարածքների միջոցով»,-ասաց Անահիտ Թարխանյանը: Քննարկմանը ներկա ճարտարապետ Սաշուր Քալաշյանն էլ նշեց, որ բացի նրանից, որ խնդիրը նեղ մասնագիտական է, այլ նաև պետական մոտեցման հարց կա: «Մեր գերնպատակը շենքը պահել է, ցանկացած պարագայում շենքը պահելն է, ուզում է կցորդված լինի, ուզում է առանձին լինի, ուզում է նույնիսկ օդանավակայան էլ չլինի: Շենքը պետք է պահել: Այն մեր մշակութային դիմագիծն է, և այդ արժեքը չի կարելի քանդել»,-ասաց Սաշուր Քալաշյանը:
Հետևեք մեզ Viber-ում
