Բանկը դերասան Վլադիմիր Կոստանյանին իր տնից դուրս է վռնդում (տեսանյութ)

Դերասան Վլադիմիր Կոստանյանը ֆեյսբուքյան իր էջում ուղիղ եթերով տեղեկացրել է, որ «Յունիբանկ»-ն իր տունը ցանկանում է վերցնել՝ չմարված վարկի պատճառով: «Ես այսօր ստիպված եմ այս խոսքերը հնչեցնել ուղիղ եթերով, որովհետև գտնվում եմ շատ ծանր վիճակում: Ընկել եմ բանկային ծառայությունների ծուղակը: Մի քանի տարի առաջ վերցրեցի 8 միլիոն դրամ «Յունիբանկ»-ից՝ տունը դնելով որպես գրավ: Մուծել եմ հինգ միլիոն դրամ, մնացել է մոտ 3 միլիոնը: 2018-ին ինսուլտի պատճառով ձախ կողմս լրիվ թուլացավ, չկարողացա վճարել բանկի գումարները: 3 միլիոնը դարձել է 7,5 միլիոն: Չգիտեմ ինչ անեմ, ոնց անեմ...»: Նա դիմեց Նիկոլ Փաշինյանին՝ խնդրելով նրա աջակցությունը՝ նշելով, որ ինսուլտն ստացել է հրապարակում՝ ցույցերին աջակցելու ժամանակ: