Հայտնի են ԱԺ բոլոր 11 հանձնաժողովների նախագահների անունները

Ազգային ժողովի բոլոր 11 մշտական հանձնաժողովների նախագահների թեկնածուներն ընտրվել են: ԱԺ նիստում հայտարարեց հաշվիչ հանձնախմբի նախագահ Վահագն Հովակիմյանը ներկայացրեց քվեարկության տվյալները. Ըստ այդմ, Առողջապահության եւ սոցիալական հարցերի մշտական հանձնաժողով ի նախագահ է ընտրվել Նարեկ Զեյնալյանը, ով ստացել է 112 կողմ, 16 դեմ ձայներ: Արտաքին հարաբերությունների մշտական հանձնաժողովի նախագահ է ընտրվել Ռուբեն Ռուբինյանը, ով ստացել է 117 կողմ, 12 դեմ ձայներ: Գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նախագահ է ընտրվել Մխիթար Հայրապետյանը, ով ստացել է 116 կողմ, 11 դեմ ձայներ: Եվրոպական ինտեգրման հարցերի մշտական հանձնաժողովի նախագահ է ընտրվել Արման Եղոյանը, ով ստացել է 108 կողմ, 17 դեմ ձայներ: Մարդու իրավունքների պաշտպանության և հանրային հարցերի մշտական հանձնաժողովի նախագահ է ընտրվել Նաիրա Զոհրաբյանը, ով ստացել է 127 կողմ, 2 դեմ ձայներ: Պաշտպանության և անվտանգության հարցերի մշտական հանձնաժողովի նախագահ է ընտրվել Անդրանիկ Քոչարյանը, ով ստացել է 122 կողմ, 4 դեմ ձայներ: Պետաիրավական հարցերի մշտական հանձնաժողովի նախագահ է ընտրվել Վլադիմիր Վարդանյանը, ով ստացել է 122 կողմ, 6 դեմ ձայներ: Տարածաշրջանային ինտեգրման հարցերի մշտական հանձնաժողովի նախագահ է ընտրվել  Միքայել Մելքումյանը, ով ստացել է 122 կողմ, 6 դեմ ձայներ: Տարածքային կառավարման, տեղական ինքնակառավարման, գյուղատնտեսության եւ բնապահպանության հարցերի մշտական հանձնաժողովի նախագահ է ընտրվել Վարազդատ Կարապետյանը, ով ստացել է 127 կողմ, 2 դեմ ձայներ: Տնտեսական հարցերի մշտական հանձնաժողովի նախագահ է ընտրվել Բաբկեն Թունյանը, ով ստացել է 123 կողմ, 6 դեմ ձայներ: Ֆինանսավարկային եւ բյուջետային հարցերի մշտական հանձնաժողովի նախագահ է ընտրվել Մանե Թանդիլյանը, ով ստացել է 116 կողմ, 10 դեմ ձայներ: