Գաղտնալսման գործը չի մարսվել, դրա ձայնը դեռ կլսեք . Մարուքյան

«Տպավորություն կա, որ գաղտնալսման գործը մարսվեց գնաց, ուրեմն իմացեք չի մարսվել։  Դրա ձայնը դեռ կլսեք եվրոպական դատարաններից։ Պատահական չէր, որ ԱԺ նախագահից հետաքրքրվեցի, թե արդյոք մենք էս խորհրդարանում պատրաստվում ենք կանչել ու լսել մարդկանց, հասկանանք՝ ինչ դատավորներ են զանգում ու ո՞ւր են զանգում, ինչի՞ համար են զանգում։ Գաղտնալսման մասով գործ կա հարուցված, բայց ոնց որ ձեն-ձուն չկա, հարցնող չկա՝ ի՞նչ եղավ, ես կոնկրետ հարցնելու եմ», - ԱԺ-ում այսօր հայտարարել է «Լուսավոր Հայաստան» խմբակցության ղեկավար Էդմոն Մարուքյանը։ «Իրավական ոլորտում նույն պրակտիկան է շարունակվում, ինչ նախորդ իշխանությունների օրոք էր:Գործադիր իշխանությունը պետք է հստակ ձևակերպումներ տա, որ այսօր ՀՀ-ում փաստաբանները պաշտպանված են։ Նրանք պիտի պաշտպանվեն պետության կողմից, դատարանները պիտի լինեն անկախ, և դրանք ոչ թե հայտարարությունների տեսքով պետք է լինեն, այլ՝ գործողությունների։ Հասել ենք նրան, որ թերթի խմբագիրն ա բողոքում իշխանություններից, ընդ որում՝ հեղափոխությանը սատարած թերթի խմբագիր, ո՞ւր են ՀՀ մեդիա կազմակերպուննները», - նկատեց պատգամավորը։