Կալանավայրերում երկար տարիների բնակիչ եմ եղել` գիտեմ, թե ինչ է այնտեղ կտարվում. Ս. Միքայելյան
Ա Մարդու իրավունքների մշտական հանձնաժողովը ղեկավարելու համար առաջադրված Նաիրա Զոհրաբյանի թեկնածության քննարկմանը «Իմ քայլը» խմբակցության պատգամավոր Սասուն Միքայելյանը Նաիրա Զոհրաբյանից հետաքրքրվեց.«Երբ հայտարարեցիք, որ ՔԿՀ հիվանդանոցը պետք է դուրս բերվի ՔՀԿ վարչության ենթակայության տակից, ինչպե՞ս եք պատկերացնում, այդ դեպքում ո՞ւմ ենթակայության տակ պետք է գործի: Այսինքն` ի՞նչ կառույցի պետք է ենթարկվի: Նուբարաշենն էլ ասացիք, որ փակվի, չգիտեմ, կհասնենք դրան, թե ոչ, բայց գոնե հարկ-հարկ վերանորոգվի, որովհետև լինելով երկար տարիներ բնակիչ այդ կալանավայրերում՝ գիտեմ՝ ինչ է այնտեղ կատարվում, և նախորդ իշխանությունների օրոք ինչ արատավոր երևույթներ են դրսևորվել և պետք է արմատախիլ արվեն»: Նաիրա Զոհրաբյանը նշեց, որ ինքը նկատի է ունեցել ոչ թե դատապարտյալների հիվանդանոցը, թեև այստեղ էլ խնդիրներ կան, այլ կալանավայրերում գործող բուժսենյակները: «ՔԿՀ-ների ներսում, որտեղ բժիշկը ենթարկվում է ՔԿՀ պետին և եզրակացություն տալիս աչքերով նայում է ՔԿՀ պետին, կալանավորի հիվանդության վերաբերյալ ասի ճշմարտությունը, թե ոչ»,-ասաց Զոհրաբյանը: Ըստ նրա՝ եվրոպական 3 մոդել կա, այդ բուժսենյակները ենթարկվեն կամ Առողջապահության կամ Արդարադատության նախարարությանը կամ առանձին կառույց լինեն, և այդ տարբերակները քննարկում են միջազգային գործընկերների հետ: Պատգամավորը հավատացրեց, որ այդ խնդիրներով, նաև ցմահների հարցերով պարբերաբար կլինեն լսումներ, և հարցերը հանրայնացնելով՝ կփորձեն լուծում գտնել, եթե հնարավոր է օրենսդրական ճանապարհով, եթե ոչ, ապա պատկան մարմիններին դիմելով: Ինչ վերաբերում է Նուբարաշենի խնդրին, ապա Նաիրա Զոհրաբյանը նշեց, որ այդ կառույցը, վստահ չէ, որ հնարավոր է ինչ-որ կերպ վերանորոգել: «Դուք՝ որպես այնտեղ երկար տարիների բնակիչ, ես էլ՝ մշտական այցելու, կարող եմ նրա բնակչի կարգավիճակ ունենալ, դժվար եմ պատկերացնում այդտեղ վերանորոգումը, վինտիլացիա չկա, գարշահոտը, կոյուղին»,-ասաց նա:
Հետևեք մեզ Viber-ում
