«Արման Աբովյանը թող պատմի Ուկրաինայում նրա հնդկահավերի բիզնեսի մասին». Արման Բաբաջանյան

13:23 - 16/հունվարի/2019

ատրաստ եմ Ուկրաինայում ՀՀ նախկին դեսպան Անդրանիկ Մանուկյանի գործունեության վերաբերյալ փաստեր ներկայացնել դատարանում: Մանուկյանի վերաբերյալ լուրերի՝ ադրբեջանական քարոզչության մասին պնդումները հակադարձման հին մեթոդ է, և Անդրանիկ Մանուկյանն ինքը բազմիցս նշել է, որ դիվանագետ չէ, բիզնեսմեն է, և Արման Աբովյանը թող պատմի, օրինակ, Ուկրաինայում նրա հնդկահավերի բիզնեսին մասին և այլ,- ասաց «Լուսավոր Հայաստան» խմբակցության պատգամավոր Արման Բաբաջանյանը : «Իմ խնդիրը ոչ թե Մանուկյանն է կամ այլ դեսպան, այլ գլոբալ հարցը, և այսօր պետք է կենտրոնանալ նախկինում նշանակված և դեռևս պաշտոնավարող դեսպանների պաշտոավարման նպատակահարմարության հարցի վրա:Ես կարծում եմ՝ ոչ մի լարվածություն էլ չկա: Իմ ելույթը քաղաքական ելույթ էր: Եթե հիմա Անդրանիկ Մանուկյանի որդին էր այստեղ նստած, և Տողանյանի կամ Ռուբեն Սադոյանի որդին նստած չէր, ես դրանում ոչ մի մեղք չունեմ: Ես իմ ելույթը չեմ կարող կառուցել՝ նկատի առնելով, թե ում որդին է նստած Ազգային ժողովի դահլիճում և իմ ելույթները չեմ կարող պայմանավորել և ծրագրել ինչ-որ մեկի որդու կամ խմբակցության խնամիական հարաբերությունների և մնացածի առումով»,- ասաց նա: Հարցին՝ Միքայել Մինասյանը ինչպիսի՞ դեսպան է եղել, Բաբաջանյանը հայտարարեց, թե նա Հայաստանի լավագուն դեսպաններից է եղել, ինչը փաստում է և Ցեղասպանության 100-ամյակի առիթով Վատիկանում տեղի ունեցած հայտնի պատարագը և Վատիկանի կողմից Ցեղասպանության ճանաչումը, ինչպես նաև Հռոմի Պապի պատմական այցը Հայաստան: