Հունվարի 16-ին Փարիզում ԵԱՀԿ Մինսկի Խմբի համանախագահների միջնորդությամբ և մասնակցությամբ կայանալու է Հայաստանի ԱԳ նախարարի պաշտոնակատար Մնացականյանի հանդիպումը Ադրբեջանի ԱԳ նախարար Մամեդյարովի հետ, այսօր հայտնել է ՀՀ ԱԳՆ մամլո խոսնակ Աննա Նաղդալյանը:
Այս հանդիպման կազմակերպման մասին անցյալ վերջից եղել են տեղեկություններ, որ նման նախաձեռնություն կա: Այս հանդիպումն էլ իր հերթին, անկասկած կծառայի՝ Փաշինյան-Ալիև հանդիպման կազմակերպման համար:
Ու բոլորիվին էլ պատահական չէ, որ պաշտոնական Բաքուն 2019-ը, կարծես, հայտարարել է Բաքվի պահանջատիրության տարի: Փաշինյանի հետ բանակցություններից առաջ Ալիևը խորամանկորեն ջնջեց 2016-ից հետո հայկական կողմի կոշտ դիրքորոշումները՝ մի շարք հարցերում, այժմ Բաքուն Հայաստանին ներկայացնում է պահանջներ, որոնք 2016-ի ապրիլյան պատերազմից հետո պաշտոնական Երևանը հրապարակային արհամարհում էր:
Պատկերը հիմա փոխվել է: Ալիևը նոր «էջ» է բացում ղարաբաղյան բանակցություններում այնպիսի տոնայնությամբ՝ կարծես Հայաստանն է 2016-ին հարձակվել Ադրբեջանի վրա ու պատերազմել սանձազերծել:
Ահա մի քանի օրից կայանալիք Մնացականյան-Մամեդյարով հանդիպումից Բաքուն անցնում է նոր պահանջի ներկայացման, կարծես, արդեն կողմերը համաձայնեցնել են բանակցության բոլոր կետերը ու մնացել է հասարակություններին խաղաղության նախապատրաստելը:
«Պաշտոնական Երևանը պետք է անի ամեն ինչ՝ Հայաստանի քաղաքացիներին հարևան պետությունների հետ խաղաղությանը նախապատրաստելու համար», - Թուրքիայի անգլալեզու պետական TRT World հեռուստաալիքի եթերում հայտարարել է Ադրբեջանի նախագահի աշխատակազմի արտաքին հարաբերությունների բաժնի ղեկավար Հիքմեթ Հաջիևը:
Նրա խոսքով՝ Հարավային Կովկասում հաշտեցման գործընթացը կարող է մեկնարկել միայն հայկական կողմի զիջումներից հետո: «Նախևառաջ, հայկական զորքերը պետք է դուրս բերվեն գրավյալ տարածքներից, իսկ ադրբեջանցի ներքին տեղահանվածները պետք է վերադառնան հարազատ օջախներ: Այդ դեպքում արդեն քայլեր կձեռնարկվեն վստահության, լիարժեք տարածաշրջանային համագործակցության և ազգամիջյան հաշտեցման վերականգնման ուղղությամբ», - նշել է ադրբեջանցի պաշտոնյան:
Բանակցություններ՝ «գրավյալ տարածքների վերադարձից» հետո: Ահա Հայաստանում իշխանափոխության «պտուղները»:
Թամար Բագրատունի
Հոկտեմբերի 21-ին՝ ժամը 13։00-ին, Հայելի ակումբի հյուրն է Ալբերտ Բազեյանը
Հոկտեմբերի 21-ին՝ ժամը 11։00-ին, Հայելի ակումբի հյուրն է Նաիրա Գևորգյանը
Հոկտեմբերի 20-ին՝ ժամը 12։00-ին, Հայելի ակումբի հյուրն է քաղաքագետ Երվանդ Բոզոյանը
Հոկտեմբերի 20-ին՝ ժամը 14։00-ին, Հայելի ակումբի հյուրն է արտակարգ և լիազոր դեսպան Ձյունիկ Աղաջանյանը
Հոկտեմբերի 20-ին՝ ժամը 11։00-ին, Հայելի ակումբի հյուրն է Հայաստանի դեմոկրատական կուսակցության նախագահ Արամ Սարգսյանը
Հոկտեմբերի 19-ին՝ ժամը 10։30-ին, Հայելի ակումբի հյուրն է Հովհաննես Իշխանյանը
Հոկտեմբերի 19-ին՝ ժամը 14։00-ին, Հայելի ակումբի հյուրն է Գառնիկ Դանիելյանը
Հոկտեմբերի 19-ին՝ ժամը 13։00-ին, Հայելի ակումբի հյուրն է Նաիրա Զոհրաբյանը
Հոկտեմբերի 19-ին՝ ժամը 11։00-ին, Հայելի ակումբի հյուրն է Սուրեն Սուրենյացը
Հոկտեմբերի 15-ին՝ ժամը 15։00-ին, Հայելի ակումբի հյուրն է Արմինե Ադիբեկյանը
Հետևեք մեզ Viber-ում
