Բոլորը կաշառակեր են, միայն դեմքերն են փոխվել. Զ. Փոստանջյան

Անցնող 9 ամիսների ընթացքում Հայաստանում ոչինչ չի փոխվել. ԲՀԿ-ն մնացել է երկրորդ ուժ, իսկ ՔՊԿ-ն փոխարինել է ՀՀԿ-ին: Այս մասին Հայելի ակումբում ասաց «Երկիր Ծիրանի» կուսակցության նախագահ Զարուհի Փոստանջյանը՝ խոսելով 7-րդ գումարման Ազգային ժողովի, նոր դեմքերի ու ներքաղաքական իրավիճակի մասին: Ինչպես ասաց` Հայաստանում չկա բազմակարծություն, մինչդեռ Խորհրդարանը պետք է լինի բազմակարծության կենտրոն և եթե այն իրապես ներկայացնում է մեր ազգի հատվածները, պետք է ներկայացնի բոլոր հատվածների կարծիքները, և վտանգավոր համարեց, երեկ Աժ-ում քվեարկության արդյունքները: «Ռեյտինգային համակարգը բերեց նրան, որ ՀՀԿ-ն փոխակերպվեց ՔՊԿ-ով, ոչինչ չի փոխվել: Միատեսակ քվեարկությունները են լինելու, որի ականատեսն արդեն եղանք բոլորս: Եթե դու մասնակցում ես մի գործընթացի, որտեղ պետք է լինեն այն մարդիկ, որտեղ գծված սցենարով մարդիկ են, ապա այդտեղ չի կարող լինել ընդդիմություն: Եթ նախորդ Սահմանադրությունը և ԸՕ-ն մի փոքրիկ հնարավորություն ու ճեղք էր թողնում, որ ըննդդիմություն լինի, ապա այս անգամ, կարելի է ասել, որ ՀՀ-ում ընտրությունների միջոցով բազմակարծությամբ Աժ ձևավորելն անհնար է»,-ասաց նա: Ըստ նրա՝ Հայաստանում ընտրությունների միջոցով բազմակարծիք խորհրդարան ձևավորելն անհնար է, քանի որ նոր կառավարության անդամները «կրում են հին բռնապետերի վերարկուները»: «Երկիր Ծիրանի» կուսակցության ղեկավարը համոզված է, որ նոր՝ սուպերվարչապետական համակարգը թույլ չի տալու փոփոխություններ տեսնել, քանի որ չկան զսպող ու հակակշռող մեխանիզմներ:  «ՔՊԿ-ն կրկնում է ՀՀԿ-ի քայլերը: Անգամ բացվեց բարեգործական հիմնադրամ, որը քաղաքական կոռուպցիայի մաս է կազմում: Սա կոռուպցիայի դասական դրսևորում է: Եթե կան գաղտնալսումներ, որոնց իրական լինելը հաստատել են կողմերը, թեև նշում են, որ կիսատ է խոսակցությունը, բայց, դա կարևոր չէ, ուրեմն՝ գործադիր իշխանության ներկայացուցիչը օգտվելով իրեն վերապահված հնարավորություններից ճնշում է գործադրում իրավապահ մարմինների նկատմամբ և հրամաններ է տալիս, թե ինչ կերպ վարվեն այս կամ այն մարդու հետ: Այս պահին տեղի է ունենում սեփականության վերաբաշխում: Այդպիսի իրավանորմեր գոյություն չունեն, երբ մարդու նկատմամբ հետապնդում է իրականացվում և տվյալ մարդը այդ ընթացքում ինչ-որ նվիրատվություններ է անում պետությանը իր սեփականությունից»,-ասաց Փաստանջյանը: