Մաղթում ենք Ձեզ արգասաբեր աշխատանք․ Սասնա Ծռերը շնորհավորել են Նիկոլ Փաշինյանին
Սասնա Ծռեր համահայկական կուսակցության Քարտուղարությունը շնորհավորական ուղերձ է հղել Նիկոլ Փաշինյանին՝ ՀՀ վարչապետ նշանակվելու առիթով։ «Հարգելի պարոն Փաշինյան Շնորհավորում ենք Ձեզ՝ տասնամյակների ընդմիջումից հետո առաջին անգամ ազատ ընտրությունների արդյունքներով Հայաստանի Հանրապետության վարչապետ նշանակվելու առթիվ։ Մեր ժողովուրդը մեծ հույսով ու հավատով արմատական փոփոխություններ է ակնկալում կյանքի բոլոր ոլորտներում։ Մաղթում ենք Ձեզ արգասաբեր աշխատանք և հավաստիացնում, որ Սասնա Ծռեր համահայկական կուսակցությունը պատրաստ է այդ գործում իր ներբերումն ունենալու թե հնարավոր մասնակցության և թե կառուցողական քննադատության միջոցով։ Բարի երթ», - ասված է ուղերձում։
Հետևեք մեզ Viber-ում
