Թավշյա կառավարությունը հովանավորում է բռնապետության սպասարկուներին

Նիկոլ Փաշինյանի կառավարությունում Սերժ Սարգսյանի ռեժիմի ներկայացուցիչները ոչ միայն պահանջված են, այլ վայելում են ներկայիս կառավարության հովանավորչությունը։   2017 թվականի մայիսի 14-ին Հայաստանի Հանրապետությունում տեղի են ունեցել Երևան քաղաքի ավագանու ընտրություններ։ Այս ընտրություններին մասնակցող ընդդիմադիր հիմնական թեկնածուներից էր Հայաստանի Հանրապետության Ազգային ժողովի պատգամավոր, «Երկիր Ծիրանի» կուսակցության նախագահ Զարուհի Փոստանջյանը։ Ընտրությունների ընթացքին հետևելու շրջանակներում «Երկիր Ծիրանի» կուսակցության նախագահ Զարուհի Փոստանջյանը հաղորդում է տվել այն մասին, որ ընտրակաշառք բաժանելու մասին ստացած ահազանգի իսկությունը պարզելու համար իր վստահված անձ Լիլիթ Դրամփյանի հետ գնացել է Երևան քաղաքի Ավան թաղամասի Աճառյան փողոցի 39/1 հասցեում գտնվող Տարոն Մարգարյանի նախընտրական շտաբ։ Զարուհի Փոստանջյանն իր՝  հանցագործության մասին հաղորդման ներկայացման ժամանակ պնդել է, որ իրավապահ մարմիններն իր հայտնած հանցագործության հատկանիշներ պարունակող տեղեկությունները ստուգելու փոխարեն իրեն և Լիլիթ Դրամփյանին բռնի ուժի գործադրմամբ փորձել են բերման ենթարկել ոստիկանության բաժին, ինչի հետևանքով նրանք ստացել են մարմնական վնասվածքներ և տեղափոխվել հիվանդանոց։                   2017 թվականի մայիսի 17-ին ՀՀ հատուկ քննչական ծառայությունում՝ ՀՀ քրեական օրենսգրքի 154² հոդվածի 2-րդ մասով և 309-րդ հոդվածի 2-րդ մասով հարուցված թիվ 62212017 քրեական գործի վարույթի ընթացքում 2017 թվականի մայիսի 20-ի որոշումներով՝ Զարուհի Փոստանջյանը և Լիլիթ Դրամփյանը ճանաչվել են տուժողներ։           2017 թվականի օգոստոսի 7-ին ՀՀ հատուկ քննչական ծառայության ՀԿԳ ավագ քննիչ Դ. Կոստանդյանը որոշում է կայացրել քրեական հետապնդում չիրականացնելու և քրեական գործով վարույթը կարճելու մասին։     2017 թվականի օգոստոսի 15-ին ՀՀ գլխավոր դատախազության ՀԳԿ քննության վարչության դատախազ Հ. Թադևոսյանի որոշմամբ վերացվել է՝ քրեական հետապնդում չիրականացնելու և քրեական գործով վարույթը կարճելու մասին 2017 թվականի օգոստոսի 7-ի որոշումը և քրեական գործը վերադարձվել է՝ լրացուցիչ քննություն կատարելու համար։     2017 թվականի սեպտեմբերի 13-ին ՀՀ հատուկ քննչական ծառայության ՀԿԳ ավագ քննիչ Դ. Կոստանդյանը կրկին որոշում է կայացրել քրեական հետապնդում չիրականացնելու և քրեական գործով վարույթը կարճելու մասին։   Վերոնշյալ որոշումը բողոքարկվել է Զարուհի Փոստանջյանի և Լիլիթ Դրամփյանի կողմից  ՀՀ գլխավոր դատախազին։     2018 թվականի հունվարի 16-ին ՀՀ գլխավոր դատախազի տեղակալի որոշմամբ բողոքը մերժվել է։   2018 թվականի փետրվարի 21-ին դիմողներ Զարուհի Փոստանջյանը և Լիլիթ Դրամփյանը՝ քննիչի 2017 թվականի սեպտեմբերի 13-ի որոշման դեմ բողոք են ներկայացրել Երևան քաղաքի ընդհանուր իրավասության դատարան՝ Առաջին ատյանի դատարան։   Առաջին ատյանի դատարանը 2018 թվականի հուլիսի 17-ի որոշմամբ մերժել է ներկայացված բողոքը։     Առաջին ատյանի դատարանի որոշման դեմ դիմողներ Զարուհի Փոստանջյանը և Լիլիթ Դրամփյանը ներկայացրել են վերաքննիչ բողոք, որը մերժվել է ՀՀ վերաքննիչ քրեական դատարանի՝ 2018 թվականի հոկտեմբերի 24-ի որոշմամբ։     2019 թվականի հունվարի 12-ին սույն գործով Զարուհի Փոստանջյանը և Լիլիթ Դրամփյանը բողոք են ներկայացրել ՀՀ վճռաբեկ դատարան։     Սույն գործով հիմնական օպօրինություն թույլ տված անձը եղել է ՀՀ ԿԱ ոստիկանության Երևանի Նոր Նորքի բաժնի պետ Արմեն Գասպարյանը։     Որպես բռնապետական ռեժիմի լավագույն սպասարկու անձանցից՝ Արմեն Գասպարյանը, օրինակ՝ ինչպես  նաև Վալերի Օսիպյանը և Հունան Պողոսյանը պահանջված լինելով ապօրինի գործողությունների գերազանց կատարման գորառույթներում արձանագրել է պաշտոնի բարձրացում՝ ՀՀ ոստիկանության պետ Վալերի Օսիպյանի 2018 թվականի հունիսի 6-ի հրամանով նշանակվել է ՀՀ ոստիկանության Արարատի մարզային վարչության պետի պաշտոնում։             Արմեն Գասպարյանը այն ոստիկանն է, ով 2017 թվականի մայիսի 14-ին կոծկում էր «Հայաստանի Հանրապետական կուսակցության» (ՀՀԿ) Երևան քաղաքի Ավան թաղամասի Աճառյան փողոցի 39/1 հասցեում գտնվող Տարոն Մարգարյանի նախընտրական շտաբում ընտրակեղծարարության փաստերը, որը իրագործելու համար ապօրինի հրաման է արձակել Զարուհի Փոստանջյանին և Լիլիթ Դրամփյանին զրկել ազատությունից և առևանգման միջոցով Զարուհի Փոստանջյանին փորձ է կատարել նստացնել իր անձնական ավտոմեքենան, իսկ Լիլիթ Դրամյանին «ՈՒԱԶ»  մակնիշի ոստիկանական ավտոմեքենայով առևանգել տես՝  https://www.youtube.com/watch?v=PYUkK94q5K8 ։     Թավշյա կառավարությունը հովանավորելով բռնարաքներ թույլ տված ոստիկաններին մեղսակից է դառնում  բռնապետական ռեժիմի սպասարկուների արարքներին։     14  հունվարի 2019թ.   «Երկիր Ծիրանի» կուսակցության լրատվական ծառայություն