Տիգրան Հեքեքյանը ՀՀ կառավարության որոշումը կվիճարկի դատարանում
«Հայաստանի փոքրիկ երգիչներ» երգչախմբի գեղարվեստական ղեկավար և գլխավոր դիրիժոր Տիգրան Հեքեքյանը,Հայելի ակումբում հրավիրված ասուլիսում հայտարարեց,որ «Հայաստանի փոքրիկ երգիչներ» երգչախումբը դատի կտա ՀՀ կառավարությանը: «Գերակա շահ նշանակում է, որ պետությունը տվյալ տարածքը վերցնում է, քանդում և տեղում կառուցում ինչ-որ շինություն։ Սակայն, եթե տարածքը վերցնում և քանդում է, նշանակում է՝ Արամի 23 հասցեի վերաբերյալ Երևանի գլխավոր ճարտարապետի և վարչապետի պաշտոնակատարի հայտարարությունները սխալ են։Եթե այդ տարածքը վերցնելու են, չեն քանդելու, բայց տալու են շինարարություն իրականացնող Վարդան Սերմաքեշին, նշանակում է՝ խլում են ինչ-որ մեկի սեփականությունը։ Այսինքն՝ սա ոտնձգություն է երկու կարևոր հիմնարար արժեքների՝ մարդու իրավունքների և սեփականություն ունենալու իրավունքների հանդեպ։ Կառավարության այս որոշումը մենք վիճարկելու ենք դատարանում»,- ասաց Տիգրան Հեքեքյանը: Նա տեղեկացրեց, որ այսօր լինելու է կառավարությունում, հասկանալու համար, թե ով է իր հետ հանդիպելու, և ինչ են անելու։
Հետևեք մեզ Viber-ում
