Փաշինյանի որոշումներով մի շարք պաշտոնյաներ ազատվել են աշխատանքից

Վարչապետի պաշտոնակատար Նիկոլ Փաշինյանի այսօրվա որոշումներով Տիգրան Ուլիխանյանն ազատվել է պետական վերահսկողական ծառայության պետի տեղակալի պաշտոնից, Արմեն Փամբուխչյանը՝ տրանսպորտի, կապի և տեղեկատվական տեխնոլոգիաների նախարարի առաջին տեղակալի պաշտոնից, Արման Եղոյանը՝ վարչապետի մամուլի քարտուղարի պաշտոնից, Սարգիս Խանդանյանը՝ վարչապետի աշխատակազմի ղեկավարի տեղակալի պաշտոնից, Վարազդատ Կարապետյանը՝ վարչապետի հասարակական հիմունքներով խորհրդականի պաշտոնից, Արեն Մկրտչյանը՝ վարչապետի օգնականի պաշտոնից, Արփինե Դավոյանը՝ վարչապետի օգնականի պաշտոնից: Որոշումների տեքստերը տեղադրված են կառավարության e-gov.am պաշտոնական կայքէջում։