Էրդողանի մտադրությունները
Թուրքիան կպահպանի հարաբերություններն ԱՄՆ-ի հետ նաև ԱՄՆ նոր նախագահի ընտրվելուց հետո, ավելին՝ Անկարայում կողմ են երկկողմ կապերի ամրապնդմանը։ Այս մասին, ելույթ ունենալով Բրուքինգսի քաղաքագիտական ինստիտուտում, հայտարարել է Թուրքիայի նախագահ Ռեջեփ Թայիփ Էրդողանը՝ փոխանցում է TASS գործակալութունը։ «Մենք կարծում ենք, որ մեզ պետք է պահպանել կենդանի և դինամիկ հարաբերություններ։ Որոշակի հարցերում մեր կարծիքները կարող են տարբեր լինել, սակայն դա նորմալ է»,- ասել է նա՝ վստահություն հայտնելով, որ երկրների միջև կապերը գտնվում են այնպիսի «մակարդակում, որը թույլ է տալիս լուծել տարաձայնությունները երկխոսությամբ»։ Էրդողանի խոսքով՝ Վաշինգտոնն ու Անկարան ունեն հիմք, որը կարող են օգտագործել իրենց հարաբերությունների ամրապնդման համար։ «Թուրքիան կշարունակի զարգացնել հարաբերություններն ԱՄՆ-ի հետ՝ հիմնված ընդհանուր շահերի վրա, ինչպես արել է նախկինում»,- ասել է Էրդողանը։
Հետևեք մեզ Viber-ում
