Վրաերթ Լոռու մարզում. Վանաձորում 22–ամյա վարորդը Volkswagen-ով վրաերթի է ենթարկել 50–ամյա հետիոտնին

21:10 - 10/հունվարի/2019

Երեկ՝ հունվարի 9-ին, վրաերթ է տեղի ունեցել Լոռու մարզում: Ժամը 12:00-ի սահմաններում Վանաձոր քաղաքի Տարոն 4 թաղամասի բնակիչ, 22-ամյա Արման Հարությունյանը իր վարած Volkswagen Golf մակնիշի 85 XO 885 համարանիշի ավտոմեքենայով Նարեկացի փողոցի թիվ 14 տնակի դիմաց վրաերթի է ենթարկել հետիոտն, Լոռու մարզի Ջրաշեն գյուղի բնակիչ, 50-ամյա Գագիկ Խարազյանին: Ինչպես հայտնում է ֆոտոլրագրող Գագիկ Շամշյանը, վրաերթի ենթարկվածը մարմնական վնասվածքներով տեղափոխվել է Վանաձոր բժշկական կենտրոն: Դեպքի վայր են ժամանել ճանապարհային ոստիկանության 2-րդ սպայական գումարտակի 5-րդ վաշտի 1-ին դասակի ծառայողները՝ վաշտի հրամանատար Սմբատ Նորեկյանի, դասակի հրամանատար Գարիկ Մարտիրոսյանի գլխավորությամբ: Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Երվանդ Ալեքսանյանը տեղեկությունը փոխանցել է Վանաձոր քաղաքի ոստիկանության Տարոնի բաժին, որտեղից ժամանել է օպերատիվ խումբը՝ բաժնի պետի տեղակալ Նավասարդյանի գլխավորությամբ: Փաստի առթիվ ՃՈ 2-րդ սպայական գումարտակի 5-րդ վաշտի հետաքննիչ Պետրոսյանի կողմից նյութեր են նախապատրաստվում: Հետաքննիչի հանձնարարականով ավտոմեքենան տեղափոխվել է ոստիկանության Տարոնի բաժնի հատուկ պահպանվող տարածք: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: