Ով է ղեկավարը, ով` քարտուղարը

«Լուսավոր Հայաստան»-ը դեռ չի որոշել, թե ով է ղեկավարելու համանուն խմբակցությունն Ազգային ժողովում: Այսօր նախքան մանդատների հանձնման հանդիսավոր արարողությունը լրագրողների հետ զրույցում «Լուսավոր Հայաստան» կուսակցության նախագահ Էդմոն Մարուքյանը Հարցին՝ Դո՞ւք եք ղեկավարելու խմբակցությունը, նա պատասխանեց. «Ենթադրվում է՝ այո»: Իսկ թե ով է լինելու խմբակցության քարտուղարը, նա պատասխանեց՝ դեռ որոշում չկա: ԱԺ առաջին նիստին քննարկվելու է նաև Կառավարության օպտիմալացման հարցը, ձեր խմբակցությունն ունի՞ որոշում՝ ինչպես է քվեարկելու նախագծին հարցին ի պատասխան՝ Մարուքյանն ասաց․ «Այդ նախագծին դեմ ենք, որովհետև սուպերվարչապետական համակարգը դրա մեջ պահպանված է, իսկ այն, ինչ չէր կարելի Սերժ Սարգսյանին, չի կարելի նաև այսօրվա իշխանություններին։ Հետևաբար, ԱԱԾ-ն, պետեկամուտների կոմիտեն, պետք է վերադառնան խորհրդարանական վերահսկողություն»,- նշեց նա։ Ինչ վերաբերում է «Բարգավաճ Հայաստան» խմբակցության հետ համագործակցությանը, նա նշեց, որ որևէ մեկի հետ անձնական խնդիր չունեն, ուղերձ են հղել բոլորին, ովքեր իրենց հասցեին ապատեղեկատվություն ու հակաքարոզչություն են իրականացրել: