Գևորգ Կոստանյանը դեռ 2 ամիս առաջ էր զգուշացրել

Հատուկ քննչական ծառայությունը վերադարձրել է մեծահարուստ գործարար Սամվել Մայրապետյանի անձնագիրը, «Ազատությանը» փոխանցել է  վերջինիս փաստաբան Կարեն Բատիկյանը: Կաշառք ստանալուն օժանդակելու մեջ մեղադրվող Մայրապետյանը ձերբակալվել էր հոկտեմբերի 6-ին, սակայն դեկտեմբերի 27-ին դատարանը 30 միլիոն դրամ գրավով ազատ էր արձակել նրան՝ հաշվի առնելով վերջինիս առողջական վիճակը։ Փաստաբանների պնդմամբ, Մայրապետյանը ենթաստամոքսային գեղձի բորբոքում ունի, որը Հայաստանում բուժել հնարավոր չէ: Չնայած դրան՝ գործարարը չէր կարողացել մեկնել բուժման, քանի որ ՀՔԾ֊ն հրաժարվել էր վերադարձնել նրա անձնագիրը: Այսօր ավելի վաղ Մայրապետյանի փաստաբանները հայտարարել էին, որ անձնագիրը անհիմն կերպով ՀՔԾ-ում պահելու հարցով դիմել են Եվրադատարան, և ստրասբուրգյան դատարանը արդեն իսկ հարցեր է ուղղել Հայաստանի արդարադատության նախարարությանը: Ի դեպ ,դեռ երկու ամիս առաջ Կենտրոն հեռուստաընկերության ՙՙՀայելու առաջ՚՚ հաղորդաշարի ընթացքում գործարար  Սամվել Մայրապետյանի,ՀՀ երկրորդ նախագահ Ռոբերտ Քոչարյանի,նախկին վարչապետ Հովիկ Աբրահամյանի և այլոց անձնագիրը անհիմն կերպով ՀՔԾ-ում պահելու հարցին անդրադարձել էր նախկին գլխավոր դատախազ Գևորգ Կոստանյանը և ասել,որ դա մարդու իրավունքների կոպիտ խախտում է,այսինքն սահմանափակում են մարդու ազատ տեղաշարժի իրավունքը և որ ՄԻԵԴ դիմելու դեպքում իրավունքն անպայման կվերականգնվի: Սամվել Մայրապետյանի գործը ցուց տվեց,որ Կոստանյանը ճիշտ էր և որ մյուսները ևս կարող են վերականգնել իրենց իրավունքները: