Դա տեղի չի ունեցել արդարության ու օրինականության սկզբունքի վրա. Փոստանջյանը՝Քոչարյանի կալանավորման մասին
ՀՀ երկրորդ նախագահ Ռոբերտ Քոչարյանի կալանավորումը ըստ Զարուհի Փոստանջյանի տեղի չի ունեցել օրինականության սկզբունքը պահպանելու հիման վրա: «Քաղաքացիները պետք է գիտակցեն, որ նախնական կալանավորումը դա դեռ պատիժ չէ ազատազրկման ձևով, և այս բոլոր նախնական կալանավորումներն իրենց մեջ պարունակում են ոչ թե արդար նպատակներ, այլ ընդհակառակը՝ բեմադրություններ են ներկայացնում: Արդեն ութ ամիս է անցեl, այսպես կոչված, հեղափոխությունից, իսկ ես կասեի՝ տեղափոխությունից, և այդ գործերը պետք է արդեն լինեին դատարանում ծանրակշիռ մեղադրական եզրակացություններով:Նման եզրակացություններ չկան», - ասաց նա: Զարուհի Փոստանջյանն իր խոսքում նշեց նաև, որ Քոչարյանի գործի մանրամասներին տեղյակ չէ, բայց ըստ նրա «դա չի կրում օրինականության սկզբունք, դա տեղի չի ունեցել արդարության ու օրինականության սկզբունքի վրա»: «Նախնական կալանավորումը բացառիկ միջոց է, որին պետք է դիմել միայն բացառիկ պայմաններում: Տվյալ պարագայում մենք հասկանում ենք, որ այդ նախնական կալանավորումները գործող իշխանություններն օգտագործում են իրենց քաղաքական շահերը հետապնդելու համար: Դա ցուցադրում են քաղաքացիներին որպես պատժի տեսքով միջոց, իսկ քաղաքացիները պետք է հստակ տարանջատեն՝ նախնական կալանավորումը՝ դա ազատազրկման ձևով պատիժ չէ», - ասաց նա:
Հետևեք մեզ Viber-ում
