Արցախի սահմանային իրա­վիճակում էական փոփոխություն չկա

Առավոտը գրում է. Արցախի և ՀՀ-ի սահմանային իրա­վիճակում էական փոփոխություն չկա, հրադադարի ռեժիմը հիմնա­կան մասով պահպանվում է: Այս մասին երեկ լրագրողների հետ ճեպազրույցում ասաց ՀՀ ԶՈԻ Գլխավոր շտաբի պետ Արտակ Դավթյանը: «Եթե համեմատենք նախորդ տարիների հետ, կրակոցների բանակի նվազման միտում կա»,- հայտ­նեց նա: Ինչ վերաբերում է փաստին, որ վերջերս Տավուշի հետ սահմանագոտու հատվածում Ադրբեջանն իր բանակային ստորաբաժանումները փոխարինել է սահ­մանապահ զորքերով, Արտակ Դավթյանը նշեց՝ Ադրբեջանը սահմանային իրավի­ճակում փոփոխություն չի մտցրել։ «Չեմ կարծում, որ կմտցնի: Իրավիճակի վրա այս պահին որևէ ազդեցություն չի ունեցել դա: Հետագայում մենք կողջունենք, եթե բանակցություններ սկսվեն: Այս պահի դրությամբ դա Ադրբեջանի կատարած փոփոխությունն է, որը միակողմանի է, իսկ մեր քայլերի մասին հայտարարելու կարիք չեմ տեսնում»,- ասաց ԳՇ պետը: Անդրադառնալով Արցախում վերջերս տեղի ունեցած պաշտոնանկություններին՝ ՀՀ ՋՈԻ Գլխավոր շտաբի պետն ասաց. «Բոլոր փոփոխությունները միտված են նրան, որ Արցախի զինված ուժերում դրա­կան տեղաշարժեր ապահովվեն: Մեր գործակցությունը շարունակվում է այնպես, ինչպես եղել է»,- վստահեցրեց նա: Դավ­թյանը չմեկնաբանեց Լետն Մնացականյանիю Արցախի պաշտպանության բանա­կի ղեկավարի պաշտոնից ազատվելու փաստը: ԶՈԻ ԳՇ պետն անդրադարձավ նաև հարցին, թե ընթացիկ զորակոչում ինչպիսի ակտիվություն է գրանցվում ՀՀ ՊՆ «Պատիվ ունեմ» և «Ես եմ» ծրագրե­րում։ «Քանակային առումով դեռ վաղ է գնահատականներ տալը, բայց այս պահի դրությամբ ցուցանիշները նույնն են, ինչպես և նախորդ զորակոչի ընթաց­քում: «Ես եմ» ծրագրին դիմել է 72. իսկ «Պատիվ ունեմ»-ին՝ 90-ից ավելի զինա­կոչիկ: Կան նաև դիմումներ, որոնք հանձնաժողովների կողմից քննարկումների փու­լում են»,- տեղեկացրեց Արտակ Դավթյա­նը։ Ամբողջական՝ թերթի  այսօրվա համարում