Բրայզա. Փաշինյանն ի տարբերություն Քոչարյանի ու Սարգսյանի Ղարաբաղի հանդեպ որևէ պարտավորվածություն չունի (Տեսանյութ)

10:08 - 9/հունվարի/2019

Ադրբեջանական լրատվամիջոցները շարունակում են լավատեսական գնահատականներով հանդես գալ ղարաբաղյան խնդրի կարգավորման հեռանկարի վերաբերյալ: Ընդ որում, լավատեսության գնահատականներով են հանդես գալիս ոչ միայն շարքային ադրբեջանցի վերլուծաբաններն ու քաղաքագետները, այլև բարձրաստիճան պաշտոնյաները, Մամեդյարովը և Ալիևը: Հետաքրքրական է, որ այդ լավատեսությունը կամաց - կամաց անցնում է նաև արևմտյան վերլուծաբաններին ու գործիչներին: Եվ ահա իր լավատեսական գնահատականով հանդես եկավ նաև տխրահռչակ Մեթյու Բրայզան, ով հույս է հայտնում, որ Փաշինյանը, ի տարբերություն իր նախորդների, «ռիսկի կգնա Ղարաբաղի հարցում», քանզի որևէ պարտավորվածություն չունի Ղարաբաղի հանդեպ: Հետաքրքիր է, որ նմանատիպ գնահատականները լուրջ ուշադրության չեն արժանանում Հայաստանում: Հավանաբար, մեր մոտ կամ լիարժեք չեն տիրապետում իրավիճակին, կամ էլ այս ամենը անսպասելիորեն քաղաքական պայթունի էֆեկտ է ունենալու: Համաձայնվեք, որ բոլոր այս գործիչներն իրենց լավատեսական գնահատականներով «թատրոն չեն խաղում» և ուրեմն լուրջ հիմքեր ունեն նման գնահատականներով հանդես գալու համար: zham.am Արտակ Հակոբյան Հ.Գ. Հետաքրքիր է, որ լուռ է նաև «Ծովից ծովի» իբր կողմնակիցներ «Սասնա Ծռեր» խմբավորումը, որոնք նախկինում «կոկորդ կպատռեին» նման իրավիճակներում: Մինչդեռ այսօր լուռ են, ինչը հասկանալի է: Մեր «բարեկամների» որոշակի շրջանակների օրակարգում կա ընդամենը մեկ հարց՝ «ռուսական զորքերի դուրսբերումը Հայաստանից և վերջ»: Սա է իրականությունը: