Հայտնաբերվել է աղմկահարույց սպանություն կատարողն ու հանցագործության գործիք հրացանը. ՖՈՏՈՌԵՊՈՐՏԱԺ

SHAMSHYAN.com-ի տեղեկություններով՝ քիչ առաջ ոստիկանության Տավուշի մարզային վարչության՝ վարչության պետ Վահե Ղազարյանի, վարչութւյան պետի օպերգծով տեղակալ Կամո Ցուցուլյանի, ոստիկանության Տավուշի բաժնի՝ բաժնի պետ Գարիկ Դալլաքյանի և Հայաստանի քննչական կոմիտեի Տավուշի մարզային քննչական վարչության Բերդի քննչական բաժնի պետ Հունան Գարանյանի, հատկապես կարևոր գործերով ավագ քննիչ Արգամ Մայիլյանի գլխավորությամբ ձեռնարկված օպերատիվ-հետախուզական և քննչական համատեղ գործողությունների արդյունքում, այնուհետև ձեռնարկված բացատրական աշխատանքների շնորհիվ, քիչ առաջ ոստիկանության Տավուշի բաժին է մեղայականով ներկայացել Բերդ քաղաքի Եղիշեի փողոցի բնակիչ, 40-ամյա Հարություն Գևորգյանը: Ինչպես Տավուշի մարզից հայտնում է ֆոտոլրագրող Գագիկ Շամշյանը, Հ. Գևորգյանը կասկածվում է համաքաղաքացի, 27-ամյա Աշոտ Գևորգյանին մահացու հրազենային վնասվածք պատճառելու մեջ: Գ. Շամշյանի տեղեկություններով՝ կասկածյալ Հ. Գևորգյանը իրավապահներին է ներկայացրել նաև հանցագործության գործիք հանդիսացող հրացանը, որը ավագ քննիչ Ա. Մայիլյանի որոշմամբ առգրավվել է և քննիչի որոշմամբ Հ. Գևորգյանը ձերբակալվել է: Ինչպես ավելի վաղ հայտնել էր ֆոտոլրագրողը, Հայաստանի քննչական կոմիտեի Տավուշի մարզային քննչական վարչության Բերդի քննչական բաժնի քննիչի կողմից հետախուզում էր հայտարարվել Բերդ քաղաքի Եղիշեի փողոցի 8-րդ տանը հաշվառված 40-ամյա Հարություն Գևորգյանի նկատմամբ։ Վերջինս կասկածվում էր դեկտեմբերի 31-ին Բերդ քաղաքում իր մոտ եղած ապօրինի հրազենով Բերդ քաղաքի Անդրանիկի փողոցի բնակիչ՝ 27-ամյա Աշոտ Գևորգյանին մահացու հրազենային վնասվածք պատճառելու մեջ։