Ադրբեջանը կողմ է ղարաբաղյան խնդրի խաղաղ կարգավորմանը, սակայն կշարունակի ամրապնդել իր ռազմական ներուժը՝ հայտարարել է նախագահ Իլհամ Ալիևը տարեվերջյան ուղերձում:
«Լեռնային Ղարաբաղը պատմականորեն Ադրբեջանի տարածքն է, և հակամարտությունը պետք է կարգավորվի միայն Ադրբեջանի տարածքային ամբողջականության շրջանակներում», ասել է Իլհամ Ալիևը՝ վերստին հիշատակելով ՄԱԿ֊ի բանաձևերը, ըստ որոնց հայկական ուժերը պետք է դուրս բերվեն գրավյալ տարածքներից:
«Մենք խնդրի խաղաղ կարգավորման կողմնակից ենք, և մեր մասնակցությունը բանակցություններին դրա ապացույցն է: Սակայն, յուրաքանչյուրը պետք է իմանա, որ ռազմական գործոնը շատ կարևոր է, և մենք կշարունակենք հզորացնել մեր բանակը»,- ասել է Ադրբեջանի նախագահը:
Կրկնելով իր ռազմատենչ հայտարարությունները՝ Ալիևը միաժամանակ պնդել է, թե այժմ հակամարտության կարգավորման հարցում նոր իրավիճակ է ստեղծվել: «Հույս ունեմ, որ 2019-ին այդ ուղղությամբ կարող է առաջընթաց լինել», ֊ ասել է նա՝ առանց հավելյալ մանրամասների:
Փաստացի, մինչ Հայաստանում Փաշինյանի գլխավորությամբ պնդում են, թե Դուշանբեի վերելակային պայմանավորվածություններում սահմաններում անդորր է և դա մեծ ձեռքբերում է, Ալիևը Նոր տարվա առիթով հիշեցնում է, թե ինչ է ակնկալում Փաշինյանի կառավարությունից՝ կարճ ու կոնկրետ:
Ի դեպ, Ալիևն առաջին անգամ չէ նման ռազմատենչ ու անզիջում հայտարարություններով հանդես գալիս, պարզապես առավել ուշագրավն այն է, որ Փաշինյանի իշխանությունն Ալիևի այս հայտարարություններին չի էլ ցանկանում անդրադառնալ:
Բայց հարցերը կարող ենք հրապարակային էլ հնչեցնել՝ այդ ինչպես ստացվեց, որ համաձայնություն ձեռք բերվեց՝ սահմանին հանդարտ լինի, բայց Ալիևը կրկին սպառնում է ու մյուս կողմից առաջ մղում տարածքային ամբողջականության սկզբունքի «առավելությունները»:
Իսկ ի՞նչ է պատրաստվում զիջել Ալիևը... Նա ընդամենը հայտարարում է, թե 2019-ին ղարաբաղյան հակամարտության կարգավորման հարցում դրական տեղաշարժերի հույս ունի:
Ավելին, պաշտոնական Բաքուն շարունակում է պնդել իր քաղաքականությունը, Ալիևն ասում է կցուցադրենեք, թե ինչ առավելություններ կբերի խաղաղությունը տարածաշրջանին և ինչ դժվարություններ կլինեն Հայաստանում, եթե չլինի խաղաղությունը, և մերոնք չգիտես ինչու՝ գոհ են իրավիճակից:
Հետաքրքիր է, ինչի՞ց եք այդքան գոհ:
Թամար Բագրատունի
Հոկտեմբերի 1-ին՝ ժամը 15։00-ին, Հայելի ակումբի հյուրն է Գառնիկ Դանիելյանը
Հոկտեմբերի 1-ին՝ ժամը 16։00-ին, Հայելի ակումբի հյուրն է Կարինե Նալչաջյանը
Հոկտեմբերի 1-ին՝ ժամը 14։00-ին, Հայելի ակումբի հյուրն է Երվանդ Բոզոյանը
Հոկտեմբերի 1-ին՝ ժամը 13։00-ին, Հայելի ակումբի հյուրն է Հովհաննես Գալստյանը
Հոկտեմբերի 1-ին՝ ժամը 11։00-ին, Հայելի ակումբի հյուրն է Վոլոդյա Հովհաննիսյանը
Սեպտեմբերի 30-ին՝ ժամը 16։30-ին, Հայելի ակումբի հյուրն է Հայկ Նահապետյանը
Սեպտեմբերի 30-ին, ժամը 15:00-ին Հայելի ակումբի հյուրն է Հովհաննես Իշխանյանը
Սեպտեմբերի 30-ին՝ ժամը 11։00-ին, Հայելի ակումբի հյուրն է Էդգար Ղազարյանը
Իսրայելը մի քանի ամիս հետևել է Նասրուլլայի գտնվելու վայրին․ NYT
Սեպտեմբերի 27-ին՝ ժամը 16։00-ին, Հայելի ակումբի հյուրն է Թորգոմ Տեր-Մկրտչյանը