Քրեական հայց է ներկայացվել. Թուրքիայի գլխավոր շտաբ

Թուրքիայի գլխավոր շտաբը հերքել է ԶԼՄ-ների տեղեկություններն այն մասին, թե մի խումբ բարձրաստիճան թուրք զինվորականներ պետական հեղաշրջում են նախապատրաստում: «Ցանկացած անօրինական և հրամանատարության հետ չհամաձայնեցված գործողություններն անհնար են: Թուրքիայի գլխավոր շտաբը դարձյալ իր հավատարմությունն է հայտնում ժողովրդավարությանն ու երկրի Սահմանադրությանը: Նման մեղադրանքներն անհիմն են ու դրանք տարածողների նկատմամբ քրեական հայց է ներկայացվել: Նրանք բարոյալքում են զինծառայողներին ու անհանգստացնում մեր անձնակազմին»,- ասվում է Թուրքիայի գլխավոր շտաբի այսօր տարածած հաղորդագրության մեջ: