Տարվա կանայք՝ հմայքով եւ արկածներով

Թավշյա՝2018-ը լի էր անակնկալներով, բեկումնային զարգացումներով, վերելքներով եւ վայրէջքներով: Բնականաբար բուռն քաղաքական տարում չէին կարող ակտիվությամբ աչքի չընկնել քաղաքական կին գործիչները՝ բնականաբար որոշները դրական, որոշներն էլ ոչ այնքան դրական տեսանկյունից: Մենք առանձնացրել ենք մեր տեսանկյունցի ամենաակտիվ, քննարկվող հինգը կանանց: Այսպիսով՝ տարվա հայտնություն կարելի է համարել Լիլիթ Մակունցին: Այս աչոնիկը, որի մասին նախկինում ոչ լսել էին, ոչ տեսել , հեղափոխական կառավարությունում պատիվ արեցին մշակույթի նախարարի պաշտոնը: Պարզվեց՝ նա այդ պաշտոնը վաստակել է, քանի Նիկոլ Փաշինյանի անգլերենի ուսոցիչն է եղել, նրա տիկնոջ ընկերուհին, որը հետագայում էլ ավելի պարզվեց, կապ չուներ մշակույթի հետ: Դա չխանգարեց նրան, որ դեռ չնշանակված հայտարարի, որ մշակույթն ինքն է, մշակույթը իր մեջ է: Պաշտոնավարման ամիսների ընթացքում էլ չաճեց իր անմեղսունակության աստիճանից ու այդպես էլ մշակութային գործիչների աշխարհում չընկալված մնաց: Նրա խոսքերը միայն ի գիտություն ընդունվեց Նիկոլ Փաշինյանի կողմից եւ այն էլ շատ ուղիղ, ու երբ Մակունցը ընտրվեց պատգամավոր, Փաշինյանը փակեց նաեւ մշակույթի նախարարությունը, դե, եթե, մշակույթը Մակունցի մեջ էր, չկա Մակունցը, չպիտի լինի նաեւ մշակույթը: Քննարկվող կանանց շարքում է նաեւ պատգամավոր Լենա Նազարյանը: Նախկին ակտիվիստից պատգամավորական սուսիկ-փուսիկ կերպարի տակ ծվարած տիկինը որքան շահեկան էր նայվում այդ կերպարում, նույնքան վանող, երբ թավշյա հեղափոխությունը նրան բերեց առաջին գիծ ու իշխանության թիվ մեկ լեդին ստիպված էր դիրքերի վերահաստատման պայքարի ընթացքում ավելի շատ երեւալ հրապարակային հարթակներում, հարցազրույթներ տալ, բանավեճերի մասնակցել: Եւ որքան շատ բացվեց Նազարյանի լեզուն, այնքան երեւաց նրա սնանկությունը՝ պրոֆեսիոնալիզմի, կրթական ցենզի եւ առհասարակ աշխարհայացքի ասպեկտներով: Իսկ Արփինե Հովհաննիսյանի հետ նախընտրական բանավեճի ընթացքում նա տանուլ տվեց 100/0 հարաբերակցությամբ: Սակայն իշխանության կադրային զինանոցի մեջ նա այնքան արժանավոր է, որ կզբաղեցնի ԱԺ փոխխոսնակի պաշտոնը: Հայ իրականության նորահայտ աստղերից է նաեւ գործարար Սիլվա Համբարձումյանը: Սերժ Սարգսյանի իշխանության ժամանակ հալածյալի քողի տակ ծվարած այս տիկինը հիմա դարձել է մեր օրերի դահիճը, որն աջուձախ գործ է տալիս բոլորի վրա, պարզվում է ՝ նա Հայաստանի կեսին կաշառք է տվել, մյուս կեսին էլ՝ ներկա եղել նրանց կյանքի հանցավոր թջերում, օրինակ, տեսել, թե ինչպես է Մանվել Գրիգորյանը աղջիկ բռնաբարում, կամ մեկ ուրիշը մարդ սպանում, գուցե մոտ ապագայում իմանա, թե որտեղ է կորել Խաչատուր Աբովյանը: Արձանագրենք, որ ի դեմս սույն տիկնոջ, նոր իշխանության ձեռամբ կերտվեց հեղափոխական ժամանակների ամենահարգի կերպարներից մեկը, որը կարող է կլաուզիա, շանտաժ, բանսարկություններ անել, գործ տալ, եթե իհարկե դա անոմ է հանուն Նիկոլի ու իր իշխանության: Նոր Հայաստանի ամենաքննարկվող կանանցից մեկն էլ քաղաքական դաշտի հնաբնակներից Նաիրա Զոհրաբյանը, ում աստղը փայլեց հատկապես Երեւանի ավագանու ընտրություններին: Փորձառու գործիչը էյֆորիայի տակ մնացած հասարակությունից չերկնչեց եւ Նիկոլ Փաշինյանի ու իր քաղաքապետացու Հայկ Մարության մասին երկու անգամ այնպիսի ելույթ ունեցավ, որը իրավիճակի ճշգրիտ ախտորոշում կարելի է բնութագրել: Սակայն խորհրդարանական ընտրություններին իրավիճակն արդեն էականորե փոխվել էր, եւ Զոհրաբյանին աքսորեցին Սյունիք՝ ռեյտինգայինով նա այնտեղ էլ կարողացավ ի հեճուկս շատուշատ օլիգարխների, 2 հազարից ավել ձայն ստանալ,ինչը արդյունքն էր իր աշխատանքի: Ինչ-որ իմաստներով հայտնություն էր նաեւ Արփինե Հովհաննիսյանը, եթե նախկինում նրան մեղադրում էին հովանավորչությունների շնորհիվ առանցքային բարձր պաշտոնների հասնելու մեջ, ապա իշխանափոխությունից հետո նա ունենալով պրոֆեսիոնալին բնորոշ բոլոր հատկանիշները, որոնցով կարող էր տեղավորվել ցանկացած տեղ, հավատարիմ մնաց թիմին ու տեղավորվեց առաջնագծում, բանավեճերում մնաց իր դիրքում, չընկրկեց ոչ մի բանի առաջ եւ մարմնավորեց նախորդ իշխանության ինտելեկտուալ դեմքը: Բնականաբար, քննարկվող տիկնանց շարքում պատվավոր տեղում է ամենայն հայոց առաջին տիկինը՝ Աննա Հակոբյանը: Հանրության ոչ քննադատ հայացքի ներքո տիկինը երեւում է իր ողջ հմայքով, նախեւառաջ՝ ամուսնու՝ Փաշինյանի հետ ունեցած համախոհության լույսի ներքո, ու պարզ է դառնում, որ նա քայլ առ քայլ շարժվել ու շարժվում է ամուսնու կողքով: Սակայն իր ակտիվության մեջ նա կարծես կորցրել է չափի զգացողությունը, անհասկանալի ու անթիվ գործուղումներ է կազմակերպում, հանդիպումներ ունենում ոչ կոնպետենտության շրջանակից դուրս, նա անգամ իրենով արեց նախագահական նստավայրի հսկայական շենքը: Ակնհայտ է, որ նա շատ ազդեություն ունի նաեւ վարչապետի վրա ու եթե այսպես շարունակվի, տիկին Հակոբյանը տխուր վիճակում կհայտնվի: Անի Սահակյան