Հայաստանի վարչապետի պաշտոնակատար Նիկոլ Փաշինյանը և Ռուսաստանի նախագահ Վլադիմիր Պուտինն այսօր Մոսկվայում քննարկելու են երկկողմ օրակարգի հանգուցային թեմաները և փոխգործակցության հեռանկարները եվրասիական տարածքում: Այդ մասին երեկ հայտնեց Կրեմլի մամուլի ծառայությունը:
«Դեկտեմբերի 27-ին Մոսկվայում կկայանան ՌԴ նախագահ Վլադիմիր Պուտինի բանակցությունները Հայաստանի Հանրապետության վարչապետի պաշտոնակատար Նիկոլ Փաշինյանի հետ, որը Ռուսաստանում Է գտնվելու աշխատանքային այցով: Պլանավորվում է քննարկել երկկողմ օրակարգի հանգուցային թեմաները, փոխգործակցության հեռանկարները եվրասիական տարածքի ինտեգրացիոն միավորումներում»,- ասված Է հաղորդագրության մեջ:
Ի թիվս այլ հարցերի՝ գազի գնի, ռազմական, ՀԱՊԿ-ի ու ԵԱՏՄ-ի շրջանակներում Հայաստանի դերի հետ կապված, թերևս, ամենագլխավոր օրակարգային հարցը կլինի ղարաբաղյան հիմնախնդիրը:
Պատահական չէ, որ Փաշինյանը Մոսկվա այցից առաջ՝ ԱԳՆ-ում անդրադարձավ այս խնդրին: Առաջիկայում մեծագույն խնդիրը միջազգային հանրության շրջանում Ղարաբաղի հարցի էության վերաբերյալ տեղեկացվածության բարձրացումն է, Հայաստանի արտգործնախարարությունում Ամանորի և Սուրբ Ծննդյան տոների կապակցությամբ կազմակերպված ընդունելությանն ասաց Նիկոլ Փաշինյանը` շեշտելով, որ այդ հարցն ունի ազգային անվտանգության նշանակություն։ «Մենք պետք է համոզված լինենք, որ աշխարհում միջազգային հանրությունը Ղարաբաղի հարցը ընկալում է հենց այնպես, ինչպես նա կա իր էության մեջ։ Ցավոք սրտի, մենք այսօր նման արձանագրում ամեն տեղ և ամենուր չէ, որ կարող ենք անել, և պետք է այս ուղղությամբ շատ լուրջ աշխատել», - ասել է Փաշինյանը։
2019 թվականի համար Փաշինյանը նախանշել է մեկ այլ կարևոր խնդիր՝ Հայաստանի նոր իմիջի օգտագործումը երկրում ներդրումային ակտիվությունը խթանելու համար, շեշտելով, որ այդ գործում դիվանագիտական կորպուսի դերը շատ մեծ է: Նա ընդգծել է, որ ամբողջ աշխարհում տեղի է ունենում Հայաստանի իմիջի կարևոր փոփոխություն, որն սկսվեց մայիսից և գագաթնակետին հասավ դեկտեմբերի 9-ի տեղի ունեցած արտահերթ խորհրդարանական ընտրություններով:
Լեռնային Ղարաբաղի հարցում Փաշինյանի իշխանությունից վերջին ամիսներին ամեն ինչ լսել ենք բացի մեկ կարևոր սկզբունքային դիրքորոշման՝ Լեռնային Ղարաբաղի միջազգային ճանաչման մասին:
Տպավորությունն այնպիսին է, որ Փաշինյանն իր նախորդ իշխանության՝ Լեռնային Ղարաբաղի ինքնորոշման, Լեռնային Ղարաբաղի միջազգային ճանաչման մասին դիրքորոշումներն անտեսում է:
Այսօր Փաշինյանը խոսում է Հայաստանի «նոր իմիջի» կարևոր փոփոխության մասին: Իսկ Արցա՞խը:
Ասվում է, թե մեր խնդիրը միջազգային հանրության շրջանում Ղարաբաղի հարցի էության վերաբերյալ տեղեկացվածության բարձրացումն է: Այո, աշխատանք միջազգային հանրության հետ պետք է տանել, բայց տեղեկացնելո՞ւ, թե՞ առկա իրողությունները՝ Ադրբեջանի ռազմատենչ ու ագրեսիվ քաղաքականության մասին հայտարարությունների հիմքում ԼՂ-ի ինքնորոշման հրամայականի վրա պնդելով...
Թամար Բագրատունի
Հոկտեմբերի 1-ին՝ ժամը 15։00-ին, Հայելի ակումբի հյուրն է Գառնիկ Դանիելյանը
Հոկտեմբերի 1-ին՝ ժամը 16։00-ին, Հայելի ակումբի հյուրն է Կարինե Նալչաջյանը
Հոկտեմբերի 1-ին՝ ժամը 14։00-ին, Հայելի ակումբի հյուրն է Երվանդ Բոզոյանը
Հոկտեմբերի 1-ին՝ ժամը 13։00-ին, Հայելի ակումբի հյուրն է Հովհաննես Գալստյանը
Հոկտեմբերի 1-ին՝ ժամը 11։00-ին, Հայելի ակումբի հյուրն է Վոլոդյա Հովհաննիսյանը
Սեպտեմբերի 30-ին՝ ժամը 16։30-ին, Հայելի ակումբի հյուրն է Հայկ Նահապետյանը
Սեպտեմբերի 30-ին, ժամը 15:00-ին Հայելի ակումբի հյուրն է Հովհաննես Իշխանյանը
Սեպտեմբերի 30-ին՝ ժամը 11։00-ին, Հայելի ակումբի հյուրն է Էդգար Ղազարյանը
Իսրայելը մի քանի ամիս հետևել է Նասրուլլայի գտնվելու վայրին․ NYT
Սեպտեմբերի 27-ին՝ ժամը 16։00-ին, Հայելի ակումբի հյուրն է Թորգոմ Տեր-Մկրտչյանը