Փաշինյանը կրկնում է Սերժ Սսարգսյանին
Մի քանի օր է ներքին շրջանառության մեջ է դրվել Կառավարության կառուցվածքային փոփոխությունների նախագիծը, ըստ որի որոշ նախարարություններ կմիավորվեն, որոշները կլուծարվեն, արդյունքում հինգ նախարարություն կկրճատվի: Այս մասին վերջին օրերին մամուլում բազմաթիվ հրապարակումներ եղան, բացի այդ բողոքի ակցիաներ արեցին սփյուռքի եւ մշակույթի նախարարության աշխատակիցները, այս նախարարություններից առաջինը լուծարվում է, ԱԳՆ-ի մի բաժին կկատարի սփյուռքի նախարարության գործառույթը, իսկ մշակույթի նախարարությունը միացվում է կրթության գիտության նախարարությանը: Օպտիմալացման աղմուկը ստվերեց մեկ ավելի կարեւոր փաստ, այն է՝ իշխանության ներկայացրած նախագծում չեն նախատեսվում այնպիսի փոփոխություններ, որոնք կթուլացնեն սուպերվարչապետական ինստիտուտը, ինչը նախկինում քննադատվում էր Նիկոլ Փաշինյանի եւ իր թիմի կողմից: Նրանք Սերժ Սարգսյանին մեղադրում էին անձնակենտրոն համակարգ ստեղծելու մեջ եւ արդարացիորեն քննադատում, որ Սարգսյանը ինչպես նախագահի պատոնում էր իշխանությունը կենտրոնացրել իր ձեռքում եւ միանձնյա կառավարում էր բուրգը, նույնը արեց խորհրդարանական համակարգում, մի տարբերությամբ, որ այդ համակարգում կենտրոնացումը լինելու է նախագահի ձեռքում: : Խոսքը մասնավորապես վերաբերում էր ուժային կառույցների վերահսկողությանը: Սերժ Սարգսյանը ինչպես հիշում եք օրենսդրական նախաձեռնություններով ոստիկանությունը և ԱԱԾ-ն ենթարկեց վարչապետին: Դրանք վարչապետին կից մարմիններ են դարձվել, այլ ոչ թե նախարարություններ: Նպատակը պարզ էր՝ ուժայիններին ենթարկեցնել ոչ թե խորհրդարանին, այլ անձամբ վարչապետին: Հեղափոխության առաջին օրերին էլ Նիկոլ Փաշինյանը խոսում էր սուպերվարչապետական համակարգի թերությունների մասին եւ հայտարարում, որ պետք է դա վերացնել: Սակայն եկել է պահը, բայց նա չի անում իր քայլը: Ու ստացվում է, որ Սերժ Սարգսյանը համակարգը կարել էր ոչ միայն իր, այլեւ Նիկոլ Փաշինյանի հագով, ու վերջինս լավ հարմարվել է իր նոր հագուստին,եւ չի պատրաստվում հրաժարվել դրանից: ՊԵԿ-ը նույնպես մնում է անձամբ Փաշինյանին կից կառույցի կարգավիճակում: Ինչո՞ւ Փաշինյանը կրկնեց Սերժ Սարգսյանին, արդյոք այն պատճառով, որ արտահերթ խորհրդարանական ընտրություններն արդեն ավարտված են եւ նա ձեւավորել է իր իշխանությունը ու այլեւս կարող է միահեծան կառավարել: Սակայն պետք է միշտ հիշել, որ ժողովուրդը ապրիլին ոտքի կանգնեց ոչ թե Նիկոլ Փաշինյանի համար, այլ ընդդեմ Սերժ Սարգսյանը, ով միհեծան համակարգ էր ձեւավորել ու մտադիր էր դեռ շարունակել իր իշխանությունը:
Հետևեք մեզ Viber-ում
