Վովա Գասպարյանի ծիծաղելի դատաստանը

Մեդիադաշտը ողողված է նախկին ոստիկանապետ Վովա Գասպարյանի դեմ հարուցված քրեական գործի մասին նյութերով: Անպարտելի Վովա Գասպարյանի հերթն էլ թվում է՝ հասավ: Սակայն գործի բնույթին ծանոթանալուն պես հասկանում ես, թե ուր է հասել Հայաստանի արդարադատությունը, որ նախկին իշխանության կարկառուն սպասարկուներից մեկի դեմ գործ է հարուցում մի ծիծաղաշարժ դրվագով: Այսպիսով՝ ըստ Քննչական կոմիտեի՝ նախկին ոստիկանապետը կասկածվում է պաշտոնական դիրքի չարաշահմամբ: Նա միջամտել է Գագիկ Ծառուկյան-Պալաչ հայտնի հակամարտությանը եւ իր ենթակայության տակ գտնվող մարմինների միջոցով վնաս պատճառել Ծառուկյանի բարեգործական հիմնադրամին: <<Մասնավորապես՝ բազմակողմանի քննությամբ տվյալներ են ձեռք բերել, որ ՀՀ ազգային ժողովի 2012թ.-ի ընտրություններից առաջ՝ հունվար-փետրվար ամիսներին, ՀՀ կառավարությանն առընթեր ոստիկանության բարձրաստիճան պաշտոնյան՝ ոստիկանության նախկին պետը, իր պաշտոնեական դիրքն ու լիազորությունները ծառայության շահերին հակառակ օգտագործելով, խոստացել է միջամտել և օգնել «Քինգ Դելյուքս» ընկերության նախկին սեփականատիրոջը՝ վճարովի ուղևորափոխադրումների հետ կապված խնդիրները լուծելու հարցում, եթե վերջինս ՀՀ ԱԺ ընտրություններում աջակցի Հայաստանի Հանրապետական կուսակցությանը: Պայմանավորվածության համաձայն՝ խմբային շահերից ելնելով՝ ոստիկանության բարձրաստիճան պաշտոնատար անձը նշված ընկերության նախկին սեփականատիրոջը ներկայացրել է Աբովյանի տարածաշրջանը սպասարկող ոստիկանության պաշտոնատար անձանց, ինչպես նաև ՀՀԿ տարածքային մարմնի ղեկավարին՝ միասին աշխատելու համար։ Բացի այդ՝ հրահանգել է իր ենթակայության տակ գտնվող ոստիկանության աշխատակիցներին աջակցել նրան և չխոչընդոտել նրա ծավալած ձեռնարկատիրական գործունեությանը, այդ թվում՝ ճանապարհային երթևեկության կանոնների խախտման դեպքում, իսկ մյուս կողմից՝ ճանապարհային ոստիկանության աշխատակիցների միջոցով խոչընդոտներ ստեղծել բարեգործական հիմնադրամի անվճար ավտոբուսների երթուղի դուրս գալու համար>> նշված է պաշտոնական մեղադրանքում:: Այսպիսով՝ ստացվում է այնպես, որ Վովա Գգասպարյանի ամենածանր մեղքն այն է եղել, որ նա միջամտել է երկու անձանց վեճին: Հասկանալի է, որ ընդդիմության դերաբաշխման փուլում իշխանությունը գուցե այս գործով փորձ է անում ժեստ անել Գագիկ Ծառուկյանին՝ ցույց տալով, որ նախկին իշխանությունն էլ է ճնշել վերջինին ու այնքան էլ իրականության չեն համապատասխանում լուրերը, որ Ծառուկյանը ամբողջովին կառավարելի է եղել նախորդ իշխանության կողմից: Սակայն մյուս կողմից՝ սա զավեշտ է, ծաղր արդարադատության երեսին: Ստացվում է, որ Վովա Գասպարյանի մասին բոլոր հրապաչակումներն ու տեղեկությունները՝ ապօրինի հարստացման, արտաբյուջեների տնօրինման,, հազար ու մի աղմկոտ գործեր կոծկելու. Հանցաշխարհի ետ համագործակցելու եւ այլնի, եւ այնի մասին սին են: Միայն այն փաստի ստուգումը, որ նա 200 հազար դոլարով դարձել 3 մլն դոլարանոց առանձնատան տեր, կարող էր դառնալ բոլորովին այլ գործի նյութ: Սակայն մեզ հայտնի է դարձել, որ նա այն քցվողներից է, որը իր ունեցվածքից որոշակի մասնաբաժին է վերադարձել պետությանը եւ կարծես թե լուծել է իր հարցերը: Իսկ հարուցված գործը գուցե ընդամենը ֆոն է ինչ-որ բաներ ցույց տալու, թե ինչ, պարզ կլինի առաջիկայում: Անի Սահակյան