Երբ «աղվեսի քիթը խաղողին չի հասնում»

Մենք, ըստ էության, ոչ թե վատթարացրել ենք որևէ մեկի հետ մեր հարաբերությունները, այլ արձանագրել ենք այն վատ հեղինակազուրկ իրավիճակը, որում գտնվում է Հայաստանի Հանրապետությունը, ինչը ժառանգել ենք այդ ոչ միայն այդ կազմակերպություններում։ Այս մասին երեկ Ս անում «Իմ քայլը» դաշինքի նախընտրական քարոզարշավի ժամանակ հայտարարել է ՀՀ վարչապետի պաշտոնակատար Նիկոլ Փաշինյանը։ «Մենք, ի տարբերությունների նախորդ իշխանությունների, մտադիր չենք լռության մատնել մեր անվտանգության կենսական խնդիրները, մտադիր չենք համակերպվել այն իրողությունների հետ, որոնք տեղի են ունենում մեր շուրջ»,– նշում է նա։ Փաշինյանի խոսքով՝ գործընկերների հետ հարաբերություններում առկա խնդիրներին, եթե չանդրադառնան, իրավիճակն ավելի կվատթարանա. «Մենք շատ կարևոր ենք համարում, որ ՀԱՊԿ–ում մենք հստակեցնենք մեր պարտավորությունները դաշնակիցների առաջ դաշնակիցների պարտավորությունները մեր առաջ, մեր պարտավորությունները կազմակերպության առաջ կազմակերպության պարտավորությունները մեր առաջ։ Մենք այս հարցերը բարձրացնում ենք մեր գործընկերների հարաբերությունները լավացնելու զարգացնելու համար, եթե մենք այդ խնդիրներին չանդրադառնանք, իրավիճակը գնալով ճահճանալու է մեզ համար ստեղծելու է ավելի ու ավելի խնդիրներ»։ Ապա` վարչապետի պաշտոնակատարը նկատում է՝ ՀԱՊԿ գլխավոր քարտուղարի հարցը շատ փոքր նույնիսկ ոչ էական հարց է. «Շատ ավելի էական են այն հարցերը, որոնք քննարկվում են այդ համատեքստում։ Մենք հետևողականորեն պաշտպանելու ենք Հայաստանի ու Արցախի շահը»։ Այն, որ Հայաստանի իշխանությունը ցանկանում է ամրացնել երկրի ինքնիշխանությունը՝ դա վատ մտադրություն չէ: Բայց դա պետք է լինի ոչ թե խոսքով, լեզվակռվող ու գործընկեր պետությունների ղեկավարներին հրապարակային դատափետելով, այլ կուլիսային աշխատանքով, դիվանագիտական ոչ դիվանագիտական խողովակներով: Ի վերջո, իշխանություն ստանձնելուց հետո Փաշինյանը մի քանի քայլերով ցույց տվեց, որ Ռուսաստանի իշխանության հետ խնդիրներ չունի, ավելին՝ արեց քայլեր՝ Ռուսաստանին չզայրացնելու համար, ամերիկյան լաբորատորիաներին ռուսներին մուտքի թույլտվություն տվեց, Սիրիա՝ ռուսական զորախմբի հետ համաձայն է հայկական խմբի գործունեությանը: Եթե այսօր Փաշինյանը հայտարարում է ՀԱՊԿ գլխավոր քարտուղարի հարցը շատ փոքր նույնիսկ ոչ էական հարց է, ուրեմն գիտակցում է, որ մեկ շաբաթից Սանկտ Պետերբուրգում, հետագայում Հայաստանը չի կարողանալու պահպանել ՀԱՊԿ գլխավոր քարտուղարի պաշտոնը ու հիմա այդ հարցը նրան «շատ փոքր» հարց է թվում: Այս դեպքերում են, հավանաբար, ասում՝ «Աղվեսի քիթը խաղողին չի հասնում, ասում է՝ խակ է»: Թամար Բագրատունի