Ինչու են պետականացրել հայկական Սուրբ Կիրակոս եկեղեցին. պարզաբանում
Դիարբեքիրի Սուրի շրջանում գտնվող, գործող հայկական Սուրբ Կիրակոս եկեղեցին պետականացնելու հետ կապված զավեշտալի պարզաբանում է տվել Թուրքիայի հիմնադրամների վարչության տնօրեն Ադնան Էրթեմը։ Ստամբուլի հայկական «Ակոս»-ի հետ զրույցի ժամանակ Թուրքիայի հիմնադրամների վարչության տնօրեն Ադնան Էրթեմը հայտարարել է, թե Սուրի շրջանում գտնվող բոլոր շինությունների պետականացումն ուղղված չէ պատմական կառույցներին։ Նա պնդել է, թե պետականացման ծրագրով նախատեսված է պահպանել այդ տարածքում գտնվող պատմական կառույցները, որոնց շուրջ բազմաթիվ անօրինական շինություններ են կառուցվել։ Նշենք, որ Թուրքիայի նախարարների խորհրդի որոշումով Դիարբեքիրի Սուրի շրջանում գտնվող բոլոր կառույցները, այդ թվում Դիարբեքիրի Սուրբ Կիրակոսը, պետականացվել են։ Մերձավոր Արեւելքի ամենամեծ եկեղեցիներից մեկի՝ Սուրբ Կիրակոսի վերաբացումն ու օծումը տեղի է ունեցել 2011- հոկտեմբերի 22-ին, իսկ առաջին պատարագը մեկ օր անց՝ հոկտեմբերի 23-ին: Սուրբ Կիրակոսի վերանորոգումը իրականացվել է դիարբեքիրցի հայերի եւ Դիարբեքիրի քաղաքապետարանի աջակցությամբ: Սուրբ Կիրակոսը վերաբացվել է որպես գործող եկեղեցի:
Հետևեք մեզ Viber-ում
