Էրդողանը ԱՄՆ-ին կոչ է անում փակել Գյուլենական դպրոցները
Anadolu լրատվական գործակալության փոխանցմամբ՝ Թուրքիայի նախագահ Ռեջեփ Էրդողանը ամերիկյան իշխանություններին կոչ է արել կանխել այն դպրոցների գործունեությունը, որոնք ֆինանսավորվում են ԱՄՆ-ում բնակվող իսլամական հասարակական գործիչ Ֆեթհուլլահ Գյուլենի կողմից: «Հիմնական սև փողերը նրանց ձեռքերում են, ովքեր գտնվում են Փենսիլվանիայում (Գյուլեն)։ Նրանք (ամերիկյան իշխանությունները) ի՞նչ են արել այդ ուղղությամբ։ Զուգահեռ կառույցն ԱՄՆ-ում ունի կրթական բազում դպրոցներ, դասընթացներ։ Դրանցում պտտվող փողերի քանակը հասնում է մոտ 100 միլիոն դոլարի։ Թող նախ սկսեն ինչ-որ բան անել դրանց հետ, ուր աշխատում են հարյուրավոր մարդիկ։ Մենք զգուշացրել ենք նրանց։ Մարդիկ, որոնք համակարգում են այդ մարդուն (Գյուլենին), մեզ մոտ կա՛մ բանտում են, կա՛մ փախուստի մեջ։ Իսկ մեր ամերիկացի ընկերները որևէ զգայունություն չեն ցուցաբերում դրա նկատմամբ»,- ասել է նա։
Հետևեք մեզ Viber-ում
