Ջենիֆեր Լոպեսը բացահայտում է

Երգչուհի և դերասանուհի Ջենիֆեր Լոպեսը 46 տարեկան է: Սակայն անձնագրի տարիքը Լոպեսին չի ստիպում հագնել համեստ ու երկար զգեստներ: Ընդհակառակը, նա միշտ ցուցադրում է իր՝ այդ տարիքի համար շքեղ կազմվածքը: Լոպեսը գեղեցկության և բարեկազմության իր գաղտնիքով կիսվել է «US Weekly»-ի հետ: Այս մասին հայտնում է Spletnik.ru-ն: Պարզվում է՝ Լոպեսի գեղեցկության գաղտնիքն այնքան էլ հեշտ չէ: Նման ռեժիմին հետևելու համար երկաթե կամք է հարկավոր: Բացի պարբերաբար սպորտով զբաղվելուց և առողջ սննդակարգից, Ջենիֆերը երկար չի մնում երեկույթներին, չի օգտագործում ալկոհոլ, չի ծխում և անգամ սուրճ չի խմում: Գեղեցկուհին նաև խուսափում է արևի ուղիղ ճառագայթներից: Լոպեսը շատ է օգտագործում կաղամբի տարբեր տեսակներ, այդ թվում՝ բրոկկոլի և բրյուսելյան կաղամբ: Ջեյ Լոն մեծ տեղ է տալիս նաև քնին և հանգստյան օրերին քնում է մինչև 10 ժամ: