Վիգեն Սարգսյանի մշակութային կիրակին՝ քարոզարշավից առաջ (Տեսանյութ)

Կ. Դեմիրճյանի անվան մարզահամերգային համալիրում կայացավ «Ախթամար» սառույցի շոուիհամաշխարհային պրեմիերան: Առաջին անգամ պատմության մեջ մարզահամերգային դահլիճի ընդարձակ տարածության մեջ կենդանացավ հայկական հնագույն «Ախթամար» լեգենդը: Սիրոմասին լեգենդ-ներկայացմանը հանդես եկան գեղասահքի համաշխարհային աստղեր,օլիմպիական, աշխարհի չեմպիոններ եւ միջազգային մրցույթների դափնեկիրներ: Թերեւս այս բացառիկ իրադարձությունը լավագույն առիթն էր արտահերթ խորհրդարարանական ընտրությունների նախընտրական քարոզարշավի մեկնարկին ընդառաջ մշակութային կիրակի պարգեւելու ընտանիքին ու լիցքաթափավելու՝ ընտրապայքարից առաջ: «Իրավունքի» աչքից չվրիպեց այն, որ պրեմիերային ներկա էր ՀՀԿ նախընտրական ցուցակը գլխավորող ՀՀԿ առաջին փոխնախագահ, ՀՀ պաշտպանության նախկին նախարար ՎԻԳԵՆ ՍԱՐԳՍՅԱՆԸ՝ ընտանիքի հետ միասին: Ի դեպ, ավելի վաղ այսօր Վ. Սարգսյանը կուսակից ընկերներով ու իրենց ընտանիքներով եղել է Մուղնիի Սուրբ Գեւորգ եկեղեցում եւ մասնակցել  կիրակնօրյա պատարագին: Այս մասին Վ. Սարգսյանը հետեւյալ գրառումն է կատարել. «Մեր Սահմանադրությունն առանձնակի շեշտադրում է անում պետության եւ Հայաստանյայց Առաքելական Սուրբ Եկեղեցու առանձնահատուկ հարաբերությունների վրա: Դա բնական է. այն պահին, երբ դադարում ենք ինքներս մեզ բնորոշել որպես առաջին քրիստոնյա պետություն, դառնում ենք պարզապես տարածք եւ բնակչություն: Մեր ժողովրդի կրած խաչը ոչ միայն մեր ինքնությունն է, հոգեւոր արժեքն ու բարոյականությունը, այլեւ մեր անվտանգային համակարգի անբաժան մասը: Հանրապետականի իշխանություն լինելու տարիներին պետությունն ամեն կերպ աջակցում էր մեր ազգային եկեղեցու ամրապնդմանը եւ դերակատարման բարձրացմանը: Յուրաքանչյուր ապագա կառավարություն պետք է շարունակի անել դա, պետք է օգնի եւ երբեք չմիջամտի եկեղեցու գործերին: Որպես ազգային պահպանողական կուսակցություն՝ մենք ամուր ենք պահելու այդ դիրքորոշումը: Մի քանի ժամից արդեն կմեկնարկի քարոզարշավը: Սա մեր երկրի ապագայի ընտրությունն է, հանուն անվտանգության, ազգային ինքնության պահպանման ու կայուն զարգացման։ Աստված մեզ պահապան»:     Հ.Գ.- «Ախթամար» սառույցի շոուի համաշխարհայինպրեմիերայից մի դրվագ դիտեք ստորեւ.