Փաշինյանի իշխանությունը կողմ է խաղամոլությանը
![Փաշինյանի իշխանությունը կողմ է խաղամոլությանը](/timthumb.php?src=http://hayeli.am/wp-content/uploads/2018/11/новый-коллаж-12.jpg&w=708)
ԽորհրդարանումՀՀԿ խմբակցության պատգամավորներ Սամվել Ֆարմանյանի եւ Միհրան Հակոբյանի ներկայացրած նախագիծը բուռն քննարկման ենթարկվեց։ Նախագծով առաջարկվում չեղարկել ,«Շահումով խաղերի, վիճակախաղերի մասին» օրենքը, այսինքն առաջարկվում է ընդհանրապես արգելել բուքմեյքերական ընկերությունների՝ տոտոների, վիվարոների գործունեությունը «Տարատեսակ վիվարոները եւ տոտոները ՀՀ-ում քաղցկեղ են, չարիք են: Դրա շուրջ կա համահայաստանյան համաձայնություն, հասարակության 99,9 տոկոսը այս հարցում համաձայն է»,- ասաց Ֆարմանյանը: Նա նշեց, որ այս նախաձեռնությունը նախորդ, այսինքն՝ իրենց իշխանությունների օրոք օրենք չի դարձել, սակայն նախագծի զեկուցողի կարծիքով՝ միջոցները, որոնք ուղղվում են վիճակախաղի շուկա, որեւէ կերպ չեն նպաստում տնտեսական արդյունքի ստեղծմանը, այդ գումարը մարդիկ կարող են ուղղել հագուստի, սննդի, մեքենայի, անշարժ գույքի ձեռքբերմանը, որը կնպաստի տնտեսական աճին ։ Թվում էր թե բավականին լավ օրինագիծ է եւ բոլոր պատգամավորները երկու ձեռքով կողջունեին այն, բայց այդպես չեղավ։ «Ծառուկյան» խմբակցության պատգամավոր Սերգեյ Բագրատյանն ասաց՝ դուք չեք կարողացել այս նախագիծը նախորդ իշխանությունների օրոք անցկացնել, սա նշանակում է, որ առնվազն այս մասով դուք ընդունում եք, որ նախորդ իշխանությունները չեն կարողացել ճիշտ գնահատել ողբերգության ծավալները, նախանձախնդիր չեն եղել նման կարգի խնդիրների լուծմանը, նաեւ ինչ-որ չափով հովանավորել են նման խաղերի կազմակերպիչներին: Սամվել Ֆարմանյանը պատասխանեց. «Այո, ընդունում եմ, որ այս նախագիծը չի դարձել օրենք, դա նախորդ կառավարությունների գործունեության արդյունքն է: Ես չեմ կարող ստել, պնդել հակառակը: Ես չեմ գտնվել այնքան ուժեղ իմ թիմակիցների շրջանում իմ ազդեցությամբ, որ կարողանամ այս նախագիծը դարձնել օրենք: Ես դա ընդունում եմ: Բայց մեզ հաջողվել է կատարել որոշակի կես քայլ»: Ֆարմանյանը հիշեցրեց, որ նախորդ օրենսդրությունը թույլ էր տալիս, որ 18 տարեկանը գնա տոտոյում կամ վիվարոյում ներդրում կատարի ու խաղա վիճակախաղ, հաջողվել է տարիքային շեմը օրենքով փոխել, դարձնել 21: «Մենք գործ ունենք խեղված տասնյակ հազարավոր ընտանիքների ու մարդկային ճակատագրերի հետ: Ես հասկանում եմ, որ 2-3 առանձին ընտանիքներ միլիարդավոր եկամուտներ են ստանում, բայց ամբողջ մի ժողովրդի ճակատագիր, կամ տասնյակ հազարավոր մեր հայրենակիցների խեղված ճակատագրերն ավելի կարեւոր են, քան 2-3 ընտանիքների ունեցվածքը եւ նրանց լոբբիզմով զբաղվող ոմանք»:Խնդիրն այն է, որ այդ ընկերությունները հարկեր են վճարում եւ դա անմիջապես մուտք է գործվում պետբյուջե։ Նիկոլ Փաշինյանի կուսակից պատգամավոր Ալեն Սիմոնյանը, դիմելով Սամվել Ֆարմանյանին, ասաց. «Պարո՛ն Ֆարմանյան, ամեն ինչ հավանում եմ՝ էդ հիմնավորումները, էդ որ՝ վայ-վայ-վայ, էս ի՞նչ է կատարվում, էդ բոլորը ճիշտ եք ասում: Բայց խնդիրը ձևի մեջ է, այն, ինչ առաջարկում եք, առաջինը՝ իրագործելի չէ, երկրորդ՝ այն, ինչ առաջարկում եք, բերելու է քաոսի, որովհետև փաստացի դուք առաջարկում եք «Վիճակախաղերի մասին» օրենքը վերացնել, և երրորդ՝ դա բերելու է սև շուկայի ձևավորման: Էլի մի կարևոր բան՝ այդ գումարները, այնուամենայնիվ, գնալու են դուրս», ասաց նա, հետո ավելի անկեղծացավ։Նա այս նախագիծը համարում է ներկա իշխանությունից վրեժ լուծելու ծրագիր: «Ո՞ւր էր պարոն Ֆարմանյանը մինչև հեղափոխությունը: Նա չէր կարո՞ղ մոտենալ իր գործընկերներին, համոզել, քննարկել, որովհետև ինչպես արդարացիորեն նշել է պարոն վարչապետը, այս ոլորտի մի մեծ կտոր դրված է եղել բյուջեի մեջ: Մարդը գնացել է 5000 դրամ խաղացացել է, 10 000 շահել է, նորից է դրել, դա տնտեսական աճ են ցույց տվել: Բա էդ վախտ ո՞ւր էիք պարոն Ֆարմանյան, էդ վախտ էդ ընտանիքներն ո՞ւր էին, էդ կործանվող հասարակությունն ո՞ւր էր: Ձեզ իրենք հետաքրքի՞ր չէին էդ վախտ: Հիմա դա արվում է, որպեսզի վրեժխնդիր լինեք, խնդիրներ առաջացնեք այս իշխանության և բյուջեի համար», - ասաց Սիմոնյանը: Ըստ պատգամավորի՝ նման արգելք չի կարող մտցվել նաև այն պատճառով, որ ոլորտում շուրջ 4000 IT ոլորտի ներկայացուցիչներ կան, որոնք տարբեր ծրագրեր են գրում, նաև արտահանում են այդ ծրագրերը: Սիմոնյանը նշեց, որ օրենքը ուժը կորցրած ճանաչելու փոխարեն իրենք այդ ոլորտի կարգավորման համար նախաձեռնությամբ են հանդես եկել, որին միացել են նաև գործընկերներ «Ծառուկյան» ու ՀՅԴ խմբակցություններից: Սիմոնյանը նաև նկատեց, որ այս նախաձեռնությունն անհնար է, քանի որ «ինտերնետի դարում» հնարավոր չէ այդքան կայքեր փակել. «Չես կարող արգելել որևիցե մեկին ինտերնետ կայք ունենալ»: Անի Սահակյան