Փախստականները դեպի Եվրոպա այլընտրանքային ուղիներ են գտել. Frankfurter Allgemeine Zeitung
Գերմանական Frankfurter Allgemeine Zeitung պարբերականը գրում է,որ «Բալկանյան երթուղու» փակվելուց հետո փախստականները դեպի Եվրոպա այլընտրանքային ուղիներ են գտել,որոնցից մեկը սկսվում է Թուրքիայի հարավային Անթալիայի նավահանգստում, Մերսինում՝ Սիրիայի հետ սահմանի մոտ, կամ Աթենքում՝ կենտրոնական Հունաստանում: Հետո միգրանտները ձկնորսական կամ ոչ մեծ առևտրային նավերով հատում են Միջերկրական ծովն ու հասնում Իտալիա: Պարբերականի տեղեկությամբ՝ փոխադրման արժեքը 3000-ից 5 000 եվրո է: Որոշ փախստականներ Հունաստանից փորձում են Ալբանիա ներթափանցել, որտեղից նույնպես ծովով հասնում են Իտալիա կամ ավտոմոբիլային տրանսպորտով շարունակում են շարժվել դեպի Եվրոպայի հյուսիս: Ընդ որում՝ Հունաստանի և Ալբանիայի միջև ցամաքային սահմանն ավելի դժվար է հաղթահարել, քան ջրայինը այդ երկու երկրների և Իտալիայի միջև: Եվս մեկ այլընտրանքային երթուղի անցնում է Բուլղարիայով: Այնտեղից միգրանտները փորձում են հասնել Ռումինիա կամ Սերբիա: