Մի մեքենա ու 5 մլն դրամ. ինչ ունի «Դատապարտյալների հիվանդանոցի» պետի տեղակալը

«Փաստ» թերթը գրում է. «Արդարադատության նախարարության «Դատապարտյալների հիվանդանոց» քրեակատարողական հիմնարկի պետի տեղակալ Հակոբ Հակոբյանը հայտարարագրել է երկու առանձնատուն: Այս մասին տեղեկանում ենք Բարձրաստիճան պաշտոնատար անձանց էթիկայի հանձնաժողովի պաշտոնական կայքում հրապարակված` պաշտոնը ստանձնելու հայտարարագրից, որը Հակոբ Հակոբյանը ներկայացրել է դեռ 2018թ. հուլիսին: Ներկայացված փաստաթղթից տեղեկանում ենք նաեւ, որ Հակոբ Հակոբյանը, որպես շարժական գույք, հայտարարագրել է «MERCEDES–BENZ 260 E» մանիշի ավտոմեքենա: Նշված ժամանակահատվածում նրա դրամական միջոցները կազմել են 5 մլն ՀՀ դրամ եւ 7500 ԱՄՆ դոլար: Իսկ եկամուտը նշված ժամանակահատվածում կազմել է 943 200 ՀՀ դրամ, որը գոյացել է աշխատավարձից»: Առավել մանրամասն՝ թերթի այսօրվա համարում