Նիկոլ Փաշինյանը, մենակ մնալով քվեախցիկում, քվեարկելու է ՀՀԿ-ի օգտին. Վիգեն Սարգսյան
ՀՀԿ առաջին փոխնախագահ Վիգեն Սարգսյանը, անդրադառնալով հարցին, թե արդյոք քննարկվել է կուսակցության նախագահի փոխելու հարց, ասաց, որ 2019 թվականի գարնանը պետք է ունենային համագումար և այս պայմաններում համագումար կազմակերպելը կարևոր գործընթացներից մեկն էր: «Ես կարծում եմ, որ այս ընտրությունները առաջ բերելուց մեկը մեր կուսակցությանը նորմալ համագումարից կազմակերպելու հնաարվորություններից զրկելն էր տակտիկական առումով: Մեր սխալներից մեկն այն է, երևի, եղել, որ մենք կորցրել ենք մեր ուղիղ կապը մեր կուսակցական գործընկերների հետ տեղերում, և այդ կոնտեքստում նախընտրեցինք նորմալ համագումար անցկացնել ընտրություններից հետո»,-ասաց նա: Հարցին, թե արդար կլինի Նիկոլ Փաշինյանի կողմից, եթե հայտարարի, որ եթե ուզում եք վերջնական հաղթանակի հասնի հեղափոխությունը, ընտրեն ՔՊ-ին, Վիգեն Սարգսյանն ասաց, որ դա բացարձակ խախտում չէ խաղի կանոնների, և տարօրինակ կլինի, եթե գործող վարչապետը, որ քաղաքական ուժի ղեկավար է, այլ բան հայտարարի և պարտավոր է գնալ և քարոզել ՔՊ-ի համա,ր և դա նաև վստահության հանրաքվե է իր հանդեպ: «Ես կարծում եմ, որ եթե Նիկոլ Փաշինյանն ազնիվ է իր ձգտման մեջ՝ նոր Հայաստան կառուցելու, ինքը մենակ մնալով քվեախցիկում՝ քվեարկելու է ՀՀԿ-ի օգտին, քանի որ այլընտրանք պետք է, որ չտեսնի որպես բանավեճի գործընկեր, եթե նա դա չանի, ուրեմն նա ուզում է ունենալ գրպանային ընդդիմություն»,-ասաց նա:
Հետևեք մեզ Viber-ում
