«Նախկինում աջակցել են ու հիմա ցեխ են շպրտում մեզ վրա». Գագիկ Եղիազարյան
«Սասնա ծռեր» կուսակցության անդամ Գագիկ Եղիազարյանը ֆեյսբուքյան իր էջում գրել է. «Բոլոր նրանք, ովքեր երբևէ հիմնադիր խորհրդարանի մաս են կազմել, աջակից են եղել, Սասնա Ծռերից են եղել կամ աջակցել են ու հիմա ցեխ են շպրտում մեզ վրա. Կանգ առեք իմ սիրելի ընկերներ, այդպես չի կարելի՝ դուք հիասթափեցնում եք մարդկանց, դուք վիրավորում եք այն ազնիվ ու առիքինի մարդկանց, ովքեր պայքարել են մեզ հետ միասին, ովքեր պայքարել են մեր ազատության համար, հույսեր են կապել մեզ հետ։ Մենք լծվել ենք մեր բոլորի նվիրական երազանքի իրագործմանը, այդ թվում, մի ժամանակ, հուսով եմ նաև հիմա՝ ձեր երազանքների։ Ոչ թե թշնամու ջրաղացին ջուր լցրեք մեզ վրա ցեխ շպրտելով ու մեզ վարկաբեկելով, այլ դարձի եկեք։ Միևնույնն է՝ հայ ժողովուրդը կհաղթի, մենք կհասնենք մեր նպատակների ու երազանքների իրագործմանը, իսկ դուք, ցավոք սրտի, ամոթով կմնաք ու կկործանվեք վերջնականապես»:
Հետևեք մեզ Viber-ում
