«Ես Շարմազանովի հետ կգնայի հետախուզության. իմ կողմանկիցներին կոչ կանեմ, որ նրան ձայն տան». Գուրգեն Եղիազարյան

«ՀՀԿ-ականների շրջանում 20% ազնիվ մարդիկ կան, որոնք կապ չունեն նախորդ տարիների ալան-թալանի հետ»,- լրագրողների հետ հանդիպմանը նման համոզմունք է հայտնել ԱԱԾ պետի նախկին տեղակալ, գրող, հրապարակախոս Գուրգեն Եղիազարյանը: «ՀՀԿ-ականների մեջ մի 20 տոկոս ազնիվ մարդ կա, որնք կապ չունեին ալան-թալանի հետ: Երիտթևին ընդհանրապես չեմ սիրել՝ համարելով պատեհապաշտներ, բայց ես Շարմազանովի հետ կգնայի հետախուզության, հույս ունեմ, որ նա ԱԺ կանցնի: Իմ կողմանկիցներին կոչ կանեմ, որ նրան ձայն տան: Սերժ Սարգսյանն իմ երկիրը քարուքանդ է արել, մեր պատմության մեջ գուցե ամենավատ ղեկավարն է եղել, բայց արի ու տես, որ տղաներ կան, հայտարարում են, թե նրա զինվորն են, հետո կհասկանան, որ պետք չի նրա զինվորը լինել»,-նշել է նա: Գուրգեն Եղիազարյանը նշեց, որ իր աջակիցներին եւ գաղափարակիցներին կոչ է անելու Շարմազանովին ձայն տալ. «Որովհետեւ նա չդավաճանեց…Սերժ Սարգսյանը գուցե եղել է ՀՀ ամենավատ ղեկավարը, բայց ՀՀԿ-ում տղաներ կան, որոնցում մարդկային որակներ են երեւում: Կարծում եմ՝ Շարմազանովն էլ շուտով կհասկանա, որ չի կարելի Սերժ Սարգսյանի «զինվորը» լինել»: Նա կարծիքով՝ «Իմ Քայլը» դաշինքն արտահերթ խորհրդարանական ընտրությունների ժամանակ մեծամասնություն կկազմի.«Եթե ՀՀ վարչապետի պաշտոնակատար Նիկոլ Փաշինյանը ցանկանար, Ընտրական նոր օրենսգիրքը 100 տոկոսով կանցներ: Ոտքից գլուխ 7 հոգի էին, բայց իրեն ձայն տվեցին ու կարգեցին վարչապետ, մի հատ ԸՕ կար ու հանկարծ չի անցնում, ո՞վ է արել, ինքն է արել: 100 տոկոսով կվերցնի Աժ-ն, նոր մնացածի հետ կխոսի: Փառք Աստծո, Մուկուչյանն իր տեղում նստած է: Պարզվեց, որ Երևանի ավագանու ընտրություններին մասնակցությունը կազմել է 43,65 տոկոս, բայց ես մի ամբողջ օր Կենտրոնում պտտվեցի, 3-4 հոգու հազիվ տեսա: ԱԺ-ի դեպքում էլ 99.9 տոկոս կհավաքեն, փոքրիկ գրպանիկում էլ մի ընդդիմություն կունենան սարքած»: