Օսիպյանը «դաշնակ» է դառնում
Ինչպես հայտնի է Համաներման մասին օրինագծով նախատեսվում է պատժից ազատել նաեւ ՊՊԾ գնդի գրավման համար մեղադրվող «Սասնա ծռեր» խմբի անդամներին, եթե դրա դեմ չեն առարկում պատանդառված, ֆիզիկական վնաս կրած տուժողները: Սակայն արդեն մի քանի օր է Ծռերի գործողություններին զոհ դարձած ոստիկանների հարազատներն ու ծնողները բողոքում են, որ իրենք բողոք ունեն , որը հաշվի չի առնվել։
Պարզվում է՝ ՀՀ ոստիկանապետ Վալերի Օսիպյանը, ով այդ օրերի պատանդներից մեկն էր, նույնպես կիսում է հարազատների դժգոհությունը, սակայն չգիտես ինչու լռել է այդ մասին եւ թեթեւ ակնարկեց այսօր, երբ լրագրողները այդ մասին հարց ուղղեցին նրան։ Օսիպյանը որպես իրավապահ մարմնի ներկայացուցիչ կարծում է, որ հանցանք գործած յուրաքանչյուր անձ պետք է պատասխան տա իր արարքի համար, հարցին՝ դե՞մ է համաներմանը, քանի որ դրան դեմ են արտահայտվել, օրինակ «Սասնա ծռերի» կողմից ՊՊԾ գնդի գրավման ժամանակ զոհվածների հարազատները, ոստիկանապետը պատասխանեց.«Ես կիսում եմ զոհվածների հարազատների մտահոգությունը, նրանց կարծիքը։ Մենք կորցրել ենք ընկերներ, մեր լավագույններին ու այս պահի դրությամբ համաներման տեքստվում նշված է, որ թե′ պատանդների կարծքիը, թե′ զոհվածների հարազատների պետք է հաշվի առնել», - ասաց Վալերի Օսիպյանը:
Լրագրողների դիտարկմանը, որ «Սասնա ծռերից» Պավլիկ Մանուկյանը պնդում է, որ Վալերի Օսիպյանն այդ օրերին պատանդ չի եղել, պարզապես մնացել է ներսում իրենց հետ, ոստիկանապետն արձագանքեց.«Էլ բան ու գործ չունե՞ի, 7-8 օր մնացել եմ էնտեղ՝ գործերս թողած»։
Նա նշեց, որ համաներման վերաբերյալ իր կարծիքն արտահայտել է Կառավարության դռնփակ նիստի ժամանակ։ «Ես բավարարված եմ համաներման տեքստով», - ասաց Վալերի Օսիպյանը՝ բացառելով, որ, այնուամենայնիվ, համաներումից հետո կրկնահանցագործությունների ռիսկեր կարող են լինել: Փաստորեն, ստացվում է, որ ՀՀ ոստիկանության պետը ըստ էության դեմ է, որ համեներում տարածվի նշված խմբի հետ, սակայն նա չի կարողացել իր կարծիը առաջ մղել վարչապետի մոտ, կամ էլ իր կարծիքը որեւէ մեկին չի հետաքրքրում եւ Նիկոլ Փաշինյանը նույնիսկ իր կառավարության բարձրաստիճան պաշտոնյայի ինքնասիրության գնով է իր քաղաքական ծրագրերն իրականացնում։ Այս իրավիճակում ոչ պակաս ուշագրավ է ոստիկանապետի պահվածքը։ Նա կարծես կարկառուն դաշնակ լինի, դեմ ըլլալով կողմ է ամեն բանի։
Ի վերջո, ինքն էլ օրեր արունակ Ծռերի գործողությունների «զոհն» է դարձել ու գոնե այս հարցում նա կարող էր սկզբունքայնություն ցուցաբերել։ Այլապես տպավորություն է, որ հիմա էլ Օսիպյանը Նիկոլ Փաշինյանի կողմից է պատանդառված ու ստիպված է կատարել նրա ցանկացած հրահանգը, եթե դա նույնիսկ վեր է օրենքից։ Բոլորովին վերջերս նա օրինակ անցավ գործի, երբ Նիկոլ Փաշինյանը հարթակից հրահանգեց «օլիգարխներին և թիկնապահներին ասֆալտին փռելու» գործընթաց սկսել։ Օսիպյանը չառարկեց, որ օպերատիվ որեւէ տեղեկություն չունենք այդ մասին ու չենք կարող հարթակային հրահանգներ կատարել։
Անի Սահակյան
Հետևեք մեզ Viber-ում
