Ցույց`ընդդեմ Լուկաշենկոյի

Մինսկում լայնածավալ ցույց է անցկացվել ազգային տոնի՝ Ազատության օրվա առիթով։ Բելառուսցիների ցույցերն ուղղված են եղել երկրի եվրոպական ապագային և դեմ՝ գործող իշխանությանը։ Այս մասին հայտնում է «Ուկրինֆորմը»։ Միջոցառման կազմակերպիչներն են Բելառուսի ընդդիմադիր կուսակցությունների առաջնորդները և նախագահի նախկին թեկնածուները։ Մոտ 1000 բելառուսցիներ, ակտիվիստներ և դեմոկրատական ուժերի կողմնակիցներ դուրս էին եկել Մինսկի կենտրոնական պողոտա՝ իրենց դժգոհութունը հայտնելու երկրի քաղաքական կուրսի դեմ։ Հաղորդվում է, որ հանրահավաքին մասնակցել են տարբեր սոցիալական կատեգորիաների ներկայացուցիչներ՝ թոշակառուներ, ուսանողներ, ինչպես նաև հարյուրավոր ձեռնարկատերեր։ Ցույցի կազմակերպիչներն ընդգծել են, որ գործող իշխանություններն ուշադրություն չեն դարձնում քաղաքացիների իրավունքներին ու ազատություններին։ Ցույցը տևել է ավելի քան 2 ժամ և արտոնված է եղել իշխանությունների կողմից։ Միջոցառումը նվիրված է եղել Բելառուսի Ժողովրդական Հանրապետության հռչակման 98-ամյակին, ինչպես նաև 1996 թվականի, այսես կոչված, Մինսկի գարնանային իրադարձություններին, երբ տասնայակ հազարավոր քաղաքացիներ հանդես են եկել երկրի քաղաքական կուրսի և Ռուսաստանի հետ ինտեգրացիոն գործընթացների դեմ։