Տանիք փնտրողները տեղ չունեն
«Ելք» խմբակցության պատգամավոր Ալեն Սիմոնյանը, խոսելով սոցցանցերում տարածված լուրերի մասին, թե ով ասես՝ հայտնվելու է «Քաղաքացիական պայմանագրի» ցուցակում, ասաց. «Քաղպայմանագիր կուսակցության «Իմ քայլը» դաշինք ցուցակում չեն լինելու այն մարդիկ, ում մասին շրջանառվում է եւ դա ձեզ անհանգստացնում է: ՀՀԿ խմբակցությունից լինելու է ընդամենը 2-3 անձ, որոնք ներկայացնում են համայնք ու չեն հանդիսանում ՀՀԿ կուսակցության անդամ: Որեւիցե օդիոզ դեմք, որեւէ գործարար, որեւէ մարդ, ով տանիք է փնտրելու իրեն, չի լինելու եւ չկա մեր ցուցակում: Այն բաղկացած է հանրությանը հայտնի մարդկանցով, մեր քաղաքական թիմով, այն մարդկանցից, ովքեր փողոցներ են փակել, ոչ միայն հեղափոխության ժամանակ, այլեւ այս տարիներին աչքի են ընկել եւ հանրությանը հուզող տարբեր հարցեր են բարձրացրել: Անհոգ եղեք: Ընտրությունը ձերն է»: Նա վստահեցրեց, որ ժողովուրդն է որոշում կայացնելու ու անկախ նրանից, որ այդ որոշումը կարող է իրենց դուրը չգալ, համակերպվելու են այդ որոշման հետ:
Հետևեք մեզ Viber-ում
