Լիսկան անփոխարինելի է նաեւ Նիկոլի համար

Հայաստանում կան մարդիկ, որոնք իրենց տեղը կերտել են ամեն նոր եկող իշխանության արեւի տակ, դարձել այդ իշխանության հարազատ զավակը, աճել, բարգավաճել, ամրապնդվել որպես օրվա իշխանության հենասյուն։ Բայց որ այդպիսինները ապահով կծվարեին նաեւ հեղափոխական իշխանության տանիքի տակ, դա մի քիչ անհավանական էր։ Ահավասիկ, մեծն Լիսկան, նույն ինքը Սյունիքի նախկին մարզպետ Սուրեն Խաչատրյանը, որը քաղաքական դաշտում աճել է հիմնադիր նախագահ Լեւոն Տեր-Պետրոսյանի ժամանակներում, բարգավաճել Քոչարյանի օրերում, իսկ Սերժ Սարգսյանի պաշտոնավարման առաջին ժամկետում դարձել անկառավարելի։Իսկ Փաշինյանի ժամանակներում նա անպատժելի է, ինչպես որեւէ մեկը։ Վարչապետի պաշտոնը զբաղեցնելուց հետո Նիկոլ Փաշինյանը դատաստան է տեսնում նախկին ռեժիմի բոլոր հանցավոր տարրերի նկատմամբ, իսկ Խաչատրյանի մասին կարծես թե մոռացել են։ 1994-1996 թթ. Լիսկան նշանակվել է Գորիսի քաղխորհրդի գործկոմի նախագահի 1-ին տեղակալ։ 1996 թ.՝ Գորիսի քաղխորհրդի գործկոմի նախագահ։1996-1999 թթ. - Գորիսի քաղաքապետ։1995 թ. հուլիսի 5-ին ընտրվել է ՀՀ Ազգային ժողովի 2-րդ գումարման պատգամավոր թիվ 146 ընտրատարածքից։ «Բարեփոխումներ», ապա «Երկրապահ» պատգամավորական խմբի անդամ։ 1999-2003 թթ. - ՀՀ ԱԺ պատգամավոր (թիվ 70 ընտրատարածք)։ ԱԺ գիտության, կրթության, մշակույթի և երիտասարդության հարցերի մշտական հանձնաժողովի անդամ։ «Միասնություն» խմբակցության, ապա «Հայաստան» պատգամավորական խմբի անդամ։ Ժամանակին Սյունիքի մարզպետ Սուրեն Աբրահամյանը Լիսկային ներկայացնում էր իբրեւ «սյունիքի բազե», այս համատարած աջակցությունը բերեց նրան, որ Քոչարյանը Լիսկային անգամ մարզպետի պաշտոն վստահեց, նույն Սուրիկ Աբրահամյանը պատմել էր, որ ժամանակին, երբ Լիսկան մարզպետ դառնալու մտադրության մասին բարձրաձայնել է, ինքն ու Վազզգեն Սարգսյանը մի լավ հռհռացել են։Քոչարյանի շնորհիվ նա ոչ միայն մարզպետ դարձավ, այլ իր պատվավոր տեղը բռնեց հանք շահագործողների թոփում։ Հանքերի շահագործմամբ զբաղվող Սիլվա Համբարձումյանը 2010 թվականին էլ պնդում էր, որ իրեն պատկանող «Լիճվազքի» ոսկու հանքը իրենից ցանկանում է խլել Սյունիքի մարզպետ Սուրիկ Խաչատրյանը, ով նախագահի եղբայր Ալեքսանդր Սարգսյանի հետ հիմնել է «Գերվա ձոր» պղնձամոլիբդենի հանքավայրը: Նշենք, որ Սյունիքի երկարամյա նախկին մարզպետ Սուրիկ Խաչատրյանին է պատկանում մարզում գտնվող «Հայկասար» պղնձի, մոլիբդենի հանքավայրը, որը զբաղեցնում է 39 հեկտար տարածք: Դե, իսկ այն ինչ կատարվեց Սերժ Սարգսյանի օրոք, բոլորիս աչքի առաջ էր՝ Լիսկայի բեսբրեդելը, որդիների խուլիգանական արարքներ, մարդ ծեծել, առեւանգել, սեփական տան առջեւ Բուդաղյանների նկատմամբ ոճրագործություն ու հազար ու մի արյունոտ պատմություն, որը կապվում է սույն նախկին պաշտոնյայի եւ իր ընտանիքի անվան հետ։ Բայց , փաստորեն, Լիսկայի մոտ թղթերով ամեն ինչ կարգին է եւ Նիկոլ Փաշինյանը նրան կպնելու ոչ մի տեղ չունի։ Ըստ էության կան մարդիկ, որոնք բոլոր ժամանակներում, բոլոր իշխանությունների համար անփոխարինելի են։ Անի Սահակյան